A mediados do século XIX, Antonio Sanjurjo Badía (Sada, 1837-Vigo, 1922), abriu en Vigo un obradoiro de fundición no Areal, despois de quedar coa maquinaria e traballadores da fundición de Ortega Vaamonde.
Sanjurjo Badía viña dunha familia de ferreiros. Despois de traballar no obradoiro de fundición, caldeiraría e reloxaría do seu pai, emigrou a Cuba onde xunto dun irmán, deu os seus primeiros pasos como empresario. Ao regresar, instalouse en Vigo. Nesta cidade, o seu obradoiro medrou rapidamente, duplicando en apenas dez anos o número de operarios.
En 1880, polo crecemento da empresa, as instalacións do Areal quedaron pequenas, e Sanjurjo Badía abriu unha nova factoría na avenida do Duque da Victoria (hoxe García Barbón) baixo o nome de La Industriosa.
A fábrica dedicouse tanto á produción metalúrxica de base como a toda sorte de bens metálicos (potes, cociñas de ferro, canos, balcóns, etc.). Un área importante da súa actividade o constituíu a reparación, mantemento e, incluso, elaboración de diferentes tipos de máquinas, especialmente para os sectores naval e conserveiro.
Antonio Sanjujrjo tomou tamén outras iniciativas empresariais. Así participou no proxecto da creación en Vigo dunha fábrica papeleira, La Cristina na década de 1860. En 1911 abriu o seu propio estaleiro e varadoiro no Areal vigués. En 1903 mercou unha empresa compostelana de transporte de viaxeiros, Automóviles Compostelanos, que, despois de adquirir novos vehículos de gasolina e de ampliar as rutas, pasou a denominarse La Regional. Esta empresa rematará sendo traspasada a Evaristo Castromil.
O interese de Badía polas máquinas e a súa capacidade para a mecánica queda ben retratada na seguinte anécdota. En 1898 co gallo da guerra de Cuba ideou un somerxible do que chegou a facer un prototipo que testou na ría de Vigo ese mesmo ano.
Antonio Sanjurjo, casado con Concepción Otero García, tivo cinco fillos, tres deles varóns, Antonio, Manuel e Fernando Sanjurjo Otero (este último falecido en 1903). Antonio, o primoxénito, quedou co seu pai en Vigo, traballando na fundición e no estaleiro dos que acabou asumindo a súa dirección en substitución do seu pai. Manuel fíxose cargo de La Regional, instalándose en Santiago de Compostela. Despois da morte de Antonio en 1918, Manuel regresou a Vigo para facerse cargo dos negocios familiares.
Historia archivística
Descoñecida.
Alcance y contenido
O fondo consta da documentación producida pola empresa de fundición creada por Antonio Sanjurjo Badía como resultado do desenvolvemento das actividades que lle eran propias. Cronoloxicamente a documentación abarca o período que vai de mediados do século XIX e mediados do XX. Porén, a maior parte dos documentos concéntranse nas últimas décadas do XIX e nas primeiras do XX.
A documentación atópase distribuída en vintecinco series. A maioría destas series foron producidas como resultado da actividade contable e produtiva da empresa. Por outro lado a documentación consérvase de xeito desigual dentro das súas series. En moitas ocasións tan so temos representación duns poucos anos ou os documentos presentan notables saltos cronolóxicos entre as datas conservadas. Sen embargo, en conxunto, o fondo representa unha boa testemuña de case cen anos de existencia da fundición viguesa. En especial, destacan os libros de contabilidade e unha numerosa correspondencia con clientes e provedores da fábrica.
Como é natural a maioría dos documentos pertencen a tipoloxías comerciais e mercantís: libros contables de diverso tipo (libros diarios, de caixa, copiadores, borradores de entrada e saída, etc.), recibos, facturas, coñecementos de embarque, correspondencia, etc. Finalmente tamén se conservan varias coleccións de impresos (revistas, manuais e prospectos comerciais).
Condiciones de acceso
Condiciones de acceso
Descripción condiciones de acceso:
Documentación de libre consulta, de acordo co art. 57 e 62 da Lei 16/1985 d e 25 de xuño, do Patrimonio Histórico Español e o art. 82 da Lei 8/1995 do 30 de outubro, do Patrimonio Cultural de Galicia. Así como polo estipulado no art. 56 e 58 dos Estatutos da Real Academia Galega.
Os documentos que conteñan datos persoais de carácter policial, procesal, clínico ou de calquera outra índole que poidan afectar á seguridade das persoas, ó seu honor, á intimid ade da vida privada ou familiar e á súa propia imaxe só poderán ser consultadas nos termos que establece o art. 57.1 c) da Lei 16/1685 de 25 de xuño do Patrimon io Histórico Español.
Características físicas
Descripción del estado de conservación:
Realizouse unha limpeza en seco da documentación antes de ser tratada. O papel conserva manchas e esgazaduras debidos á humidade e a ataques de fungos así como destrucións parciais pola acción do lume. A causa de todo isto o papel de numerosos documentos está moi debilitado e esixe un especial coidado na súa manipulación.
Documentación relacionada
Existencia y localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia