Xosé Neira Vilas, autor de “Memorias dun neno galego”, unha das obras senlleiras da literatura galega, naceu en 1928 en Gres (Vila de Cruces, Pontevedra).
Sendo mozo emigrou á Arxentina, onde chegou o 10 de febreiro de 1949. Alí asistiu á Escola de Xornalismo do Colexio Nacional ao tempo que entrou en contacto co exilio galego. Coñecer aos intelectuais galegos refuxiados en Buenos Aires, xente como Luís Seoane, Rafael Dieste, Eduardo Blanco Amor, Ramón Suárez Picallo ou Lorenzo Varela, animouno a comprometerse coa defensa da cultura galega e a desenvolver unha intensa labor galeguista. En 1953 fundou o grupo Mocedades Galeguistas e en 1956 participou no I Congreso da Emigración Galega. Ao tempo dirixiu o xornal “Adiante” e colaborou nas publicacións da comunidade galega de Buenos Aires. Casado en 1957 coa escritora cubana de orixe galego, Anisia Miranda (1932-2009), trasladouse a Cuba en 1961, despois de fundar coa súa muller a editorial Follas Novas.
En Cuba estudou na Facultade de Filosofía e letras da Habana e fíxose alto funcionario do Ministerio de Industria Básica. No ano 1969, xunto a José Antonio Portuando, puxo en marcha a Sección Galega do Instituto de Literatura e Lingüística da Academia de Ciencias de Cuba.
En 1972, despois de tantos anos de ausencia, viaxou a Galicia, porén non foi ata 1992 cando Xosé Neira Vilas e a súa muller se instalan definitivamente na aldea natal do escritor galego.
Historia archivística
Descoñecida.
Alcance y contenido
Colección de cartas de corenta e dous intelectuais e escritores de relevo, a maioría galegos, datadas entre 1959 e 1998. Aínda que o destinatario principal é o escritor galego, tamén a súa muller, Anisia Miranda está presente en numerosas cartas como destinataria explícita.
Nesta correspondencia recórrese, en boa medida, o extenso mapa que os intelectuais galegos, repartidos entre o exilio americano e a Galicia asoballada pola ditadura franquista, ocupaban nas décadas de 1960 e 1970.
Condiciones de acceso
Condiciones de acceso
Descripción condiciones de acceso:
Documentación de libre consulta, de acordo co art. 57 e 62 da Lei 16/1985 d e 25 de xuño, do Patrimonio Histórico Español e o art. 82 da Lei 8/1995 do 30 de outubro, do Patrimonio Cultural de Galicia. Así como polo estipulado no art. 56 e 58 dos Estatutos da Real Academia Galega.
Os documentos que conteñan datos persoais de carácter policial, procesal, clínico ou de calquera outra índole que poidan afectar á seguridade das persoas, ó seu honor, á intimid ade da vida privada ou familiar e á súa propia imaxe só poderán ser consultadas nos termos que establece o art. 57.1 c) da Lei 16/1685 de 25 de xuño do Patrimon io Histórico Español.
Lengua:
Galician
Spanish; Castilian
Documentación relacionada
Existencia y localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia