Retrato de Leopold Kitzlen

Ligazón persistente

Manuel González de las Riberas (falecido en 1880), avogado, veciño de San Remixio de Liber (Becerreá, Lugo), casou con Florentina Vázquez Curiel (falecida en 1905), filla dos patrucios Francisco Vázquez Blanco e Vicenta Curiel Losada, veciños de Becerreá. Tivo por fillos a Arturo (falecido en 1938), Liberio, Amanda e Aurora González Vázquez. Manuel González descendía dunha familia de labradores acomodados de Liber, pero ademais dos bens familiares que tiña nesta parroquia, acrecentou a súa facenda comprando bens desamortizados. Así en 1844 mercou rendas forais do Convento de Penamaior (Santa María de San Lourenzo de Penamaior, Becerreá) e en 1847 unha partida de rendas do Priorato de Santa María a Real do Cebreiro. Valentín Vázquez Curiel, irmán de Florentina Vázquez Curiel, foi avogado nas Nogais, alcalde de Lugo e Deputado nas Cortes en varias lexislaturas desde 1853 ata 1873. Do seu pai herdou os vínculos e as casas das Nogais, Vilavexe (Santo André, As Nogais), Agüeira (San Xoán de Agüeir a, Becerreá) e Erbón (San Pedro de Tortes, Becerreá). Estes bens á morte de Valentín Vázquez en 1879 pasaron ao seu fillo Jesús Vázquez. Manuel González, primeiro, e logo Arturo González administraron estes bens para Jesús Vázquez ata que en 1899 Arturo González lle mercou a Jesús Vázquez parte desta herdanza, especialmente, bens do concello de Becerreá e entre eles a casa de Erbón.

Retrato de estudio. Plano enteiro de Leopold Kitzlen de pé. Dedicatoria ms. no reverso: "A la Srta Doña Amp. G. Roger su corresponsal Leopo. Kitzlen [rúbrica]"

Documentación de libre consulta, de acordo co art. 57 e 62 da Lei 16/1985 de 25 de xuño, do Patrimonio Histórico Español e o art. 82 da Lei 8/1995 do 30 de outubro, do Patrimonio Cultural de Galicia. Así como polo estipulado no art. 56 e 58 dos Estatutos da Real Academia Galega.

Presentada no interior dun sobre de glasina coas marcas comerciais do fotógrafo. Este sobre ten unha cor parda que pode ser debido á acidificación do papel.