Primitivo Rodríguez Sanjurjo, escritor e profesor nacido en Ourense en 1880 e falecido en Lugo en 1947.
Estudou Dereito en Salamanca e Filosofía na Universidade de Madrid.
En 1920 pasou a Estados Unidos onde levou unha cátedra de literatura española na Universidade de Cornell (Nova York). Permaneceu neste país ata 1926, ano no que regresou a España. Xa aquí obtivo a cátedra de Xeografía e Historia no instituto de Lugo cidade na que permaneceu ata a súa morte.
Casado con María Raquel Salgado Boo, tivo unha filla, Josefina Rodríguez Salgado nacida nos Estados Unidos en 1922 (xa en España mudou os seus apelidos obtendo o permiso oficial para manter o segundo apelido do pai, pasando pois, a ter o nome completo de Josefina Rodríguez Sanjurjo Salgado).
O sogro de Primitivo foi Francisco Salgado y López de Quiroga, quen ademais de ter desempeñado diversos postos na carreira xudicial foi colaborador da revista viguesa Vida Gallega e autor de poemas en galego e castelán.
Primitivo Rodríguez coñeceu e mantivo numerosas relacións con diversos intelectuais e escritores da súa época. Neste senso temos que destacar ao grupo de intelectuais ourensán formado por Vicente Risco, Otero Pedrayo e Cuevillas. Xunto a eles sacou a diante a revista La Centuria en 1917. Tamén mantivo vínculos de amizade con Cansinos Assens e Antonio Bonet Correa.
En 1910 publicou o libro de poesía Las mesetas ideales e en 1921 e en 1921 a obra Escenas de gigantomaquia. Ademais colaborou en varias publicacións periódicas como a revista neoiorquina Current History, a revista Nós ou a xa citada La Centuria.
Historia arquivística
Descoñecida.
Alcance e contido
O fondo está formado por documentación do propio Primitivo Rodríguez Sanjurjo e da súa familia.
En primeiro termo consérvase unha pouca documentación de carácter biográfico e de moi diversa tipoloxía (certificados persoais, recibos, contratos de edición, necrolóxicas, inventarios de bibliotecas, notas, etc.) referida tanto ao propio escritor ourensán como á súa muller e á súa filla. Hai tamén unha pouca correspondencia que aínda que cronoloxicamente vai desde comezos do século XX ata o 2009, maioritariamente trátase de cartas recibidas, xunto a algún borrador de cartas remitidas, por Josefina Rodríguez Sanjurjo Salgado nos anos 1950, 1960 e 1970.
O grupo documental máis numeroso o forman tres conxuntos de manuscritos: o formado polos poemas de Francisco Salgado, sogro de Primitivo Rodríguez; outro coas notas e manuscritos de Primitivo e, finalmente, o que agrupa os apuntamentos e mencanoscritos da súa filla, Josefina Rodríguez Sanjurjo Salgado.
No caso dos papeis do autor ourensán estes recollen tanto obras literarias (cos seus poemas, obras de teatro e artigos) como notas relacionadas co seu traballo como profesor (programacións para a materia de xeografía e historia, notas de xeografías, etc.).
De Josefina consérvanse mecanoscritos de artigos e apuntamentos posiblemente relacionados co seu paso pola escola de xornalismo de Madrid.
Finalmente mencionar uns poucos recortes de prensa e varios impresos, de novo moitos deles reunidos pola filla de Primitivo Rodríguez.
Condicións de acceso
Condicións de acceso
Descrición condicións de acceso:
Acceso libre coas restricións estabecidas polo decreto 307/1989, de 23 de novembro, polo que se regula o sistema de arquivos e o patrimonio documental de Galicia e as restricións que por conservación e preservación estipule a RAG.
Lingua:
Galician
Spanish; Castilian
English
Documentación relacionada
Existencia e localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia