Antonio Eulate y Fery, mariño. Nace en Ferrol o 5 de xuño de 1845 e morre en Barcelona, aos 86 anos, o 20 de febreiro de 1932.
Garda mariña aos quince anos, edade na que recibe a súa primeira condecoración. Álferez de Navío en 1865 e Teniente de Navío en febreiro de 1870, Capitán de Fragata en 1887 e en 1896 Capitán de Navío, continuando no escalafón até Vice-Almirante da Armada.
Participou nos anos 1961-1962 na división naval comandada polo xeneral Prim a México.
Nos anos 1963-1964 navegou por augas de Joló (Filipinas), onde combateu os piratas.
Realizou varios cruceiros nas augas de Cuba para perseguir o contrabando de armas, misión na que apresou en 1869 a goleta inglesa Mary Lowe.
En 1872 contribúe a apagar a sublevación do arsenal ferrolán, polo que é condecorado por Amadeo I. Actúa tamén en 1873, cando se declara a República, contra a insurrección do arsenal de Carraca en Cádiz e contra as tropas carlistas no Cantábrico.
Terminada a guerra e nomeado Comandante de Marina do porto de Aguadilla, no distrito de Mayágüez (Porto Rico).
Regresa a España e acompaña a Alfonso XII e a raíña María Cristina nunha viaxe pola costa española.
Volve a América e participa no sitio de Cartagena de Indias, no desembarco da Guayra, e na defensa da costa cubana.
En 1897 é nomeado comandante do cruceiro Vizcaya polo que volta a España para tomar o mando do buque.
A comezos de 1898 participa no conflicto do Maine, primeiro en Nova York, logo na Habana e máis tarde reúnese en Cabo Verde, coa escuadra mandada polo almirante Cervera, para tomar parte no combate de Santiago de Cuba fronte aos norteamericanos en xullo de 1898.
De regreso a España asume o mando da provincia marítima de Cádiz e a capitanía do porto, sendo posteriormente nomeado Xefe do Estado Maior dos departamentos de Cartaxena e Cádiz, comandante de Mariña de Sevilla, Gobernador Civil de Canarias.
En 1911 pasa á reserva, aínda que o goberno segue encargándolle misións como a visita a Amsterdam co motivo da exposición Naval de 1913.
En 1916 é nomeado Xerente Naval da Compañía Transmediterranea orgaizando os servizos e o persoal. Abandoa esta dirección naval no ano 1921.
En 1917 durante a folga de Barcelona vai como primer oficial no barco que transporta o correo e a fariña.
Colaborou en varias publicacións, principalmente no Boletín de la Real Sociedad Geográfica de Madrid.
Ao longo da súa vida navegou en 71 navíos e comandou 5: Fernando el Católico, Puigcerdá, Jorge Juan, Vizcaya, Numancia.
Casado en 1870 con Julia Fernández Sanjurjo Vidal tivo dúas fillas, Carmen e María.
Historia arquivística
A documentación chega á RAG grazas a diferentes doazóns do propio Eulate e da súa filla Carmela Eulate Sanjurjo. Xunto aos documentos, a familia doa tamén diversos obxectos pertencentes a Eulate, que foron gardados no museo da RAG. Se ben, de parte da documentación descoñécese a procedencia e a data na que chega á RAG.
Por motivos de conservación gárdanse á parte da documentación textual, as fotografías e os folletos.
Alcance e contido
a documentación pódese dividir en dous grupos, por un lado documentos persoais como fotografías e unhas notas biográficas redactadas pola súa filla Carmela, e por outro documentos de función tanto pública como privada que inclúen diarios de navegación, follas de servizo, diplomas e oficios relativos ás condecoracións e méritos militares de Eulate, así como varios expedientes e documentos xerados ao seu paso polo Goberno Civil de Canarias entre 1910 e 1913.
Condicións de acceso
Condicións de acceso
Descrición condicións de acceso:
Documentación de libre consulta, de acordo co art. 57 e 62 da Lei 16/1985 d e 25 de xuño, do Patrimonio Histórico Español e o art. 82 da Lei 8/1995 do 30 de outubro, do Patrimonio Cultural de Galicia. Así como polo estipulado no art. 56 e 58 dos Estatutos da Real Academia Galega
Lingua:
Spanish; Castilian
Documentación relacionada
Existencia e localización de copias
Existencia de copias: No existen copias
Notas
Nota xeral
Forma de ingreso:
Xunto coa documentación tamén foron legados diversos obxectos para o museo da RAG:
Doazón de Antonio Eulate Fery, 1926, agosto, 26:
- Escapulario de Antonio Eulate Fery tinguido co seu sangue na batalla naval do 3 de xullo de 1898, na guerra de Cuba.
Doazón de Carmela Eulate Sanjurjo, 1932, xullo:
- Varias condecoracións e xarreteiras de Antonio Eulate Fery (listaxe no BRAG, t. XXI, p. 67-69).
- O diario de navegación foi gardado no museo da RAG e rexistrado co número 13 no seu catálogo. Foi retirado da vitrina na que se atopaba e engadido ao fondo documental o 22 de marzo de 2004.
- A fotografía a bordo do Vizcaya, en Nova York, de febreiro de 1898, descrita no BRAG, t. XXI, p. 116-119, non foi identificada entre a documentación conservada no arquivo da RAG. Forma de ingreso:
Doazón de Carmela Eulate Sanjurjo, 1953, xuño:
- A invitación a Antonio Eulate Fery do rei de Inglaterra, Eduardo VII, para asistir a un acto palatino non foi identificada entre a documentación conservada no arquivo da RAG. Forma de ingreso:
A documentación relativa ao Goberno Civil de Canarias non aparece mencionada en ningunha das relacións das doazóns feitas á RAG. Atopábase, antes da súa ordenación e instalación, dentro dunha caixa metálica. Dentro da mesma caixa apareceu un sobre con dúas fotografías con retratos familiares (ver na serie 02.46.1.4 Retratos familiares).
Xunta de Galicia. Información mantenida y publicada en internet por la Xunta de Galicia