Xesús Rodríguez López

Enlace persistente

Xesús Rodríguez López (Lugo, 1859-1917). Médico de profesión, ademais de publicar conferencias, artigos profesionais e de divulgación científica, foi escritor en galego. Cultivou a poesía, a narrativa e o teatro. Exerceu a súa profesión na súa vila natal, Lugo, na que residiu toda a súa vida. Chegou a ser concelleiro (1900) e tenente de alcalde (1902) de Lugo. En 1895 escribiu "Supersticiones de Galicia", a súa obra máis recoñecida. Nese mesmo ano a obra foi prohibida polo Bispo de Lugo ao considerar contrarios aos postulados católicos certos comentarios do autor sobre as supersticións e crenzas do pobo. Foi membro fundador da Real Academia Galega.

Na instalación do fondo retiráronse fotografías, xornais e un folleto que s e conservan á parte da documentación textual.

O fondo documenta a maior parte da vida e actividades de Xesús Rodríguez Ló pez especialmente a través da súa correspondencia e de manuscritos das súas obras. Entre estes últimos destaca o texto dun conto titulado "Gabriela" que o autor deixou inédito. Ademáis contén documentación familiar de carácter patrimonial, recortes de prensa, xornais, e correspondencia de Jesús Rodríguez Pedreira e Celso Rodríguez Fernández, fillo e neto respectivamente do autor lugués, con estudosos da súa obra.

Documentación de libre consulta, de acordo co art. 57 e 62 da Lei 16/1985 d e 25 de xuño, do Patrimonio Histórico Español e o art. 82 da Lei 8/1995 do 30 de outubro, do Patrimonio Cultural de Galicia. Así como polo estipulado no art. 56 e 58 dos Estatutos da Real Academia Galega.