A Casa da Cultura da Coruña foi creada polo Decreto do 10 de febreiro de 1956 co fin primordial de coordinar as actividades propias do Arquivo do Reino de Galicia e da Biblioteca Pública da Coruña cos establecementos que, relacionados cos arquivos, bibliotecas e museos, puidesen ser creados polo Estado, como centro no que se poderían integrar, ademais, as institucións ou entidades públicas ou privadas que cumprisen uns fins análogos.
Aos fins propios de cada un dos organismos integrados na Casa da Cultura, engadíuselles o labor de formación cultural mediante a celebración de conferencias, exposicións, concertos, recitais, proxeccións cinematográficas, etc.
As casas da cultura establecéronse cos servizos de Arquivos, Bibliotecas e Museos dependentes do Ministerio de Educación Nacional, mentres non se concertasen os oportunos acordos coas corporacións e entidades provinciais e municipais.
A Casa da Cultura da Coruña estaba integrada por:
- O Arquivo Rexional de Galicia .
- A Biblioteca Pública
- Os organismos relacionados cos arquivos, bibliotecas e museos creados polo Ministerio de Educación Nacional directamente e os das corporacións provinciais ou municipais mediante os oportunos concertos co devandito departamento ministerial.
A Casa de Cultura elaborou o seu propio regulamento, que remitiu ao Ministerio de Educación Nacional e que foi aprobado polo ministro o 13 de maio de 1960.
O regulamento estableceu un sistema de goberno mixto, é dicir, padroado e dirección. Os membros do padroado serían nomeados por orde ministerial entre altos cargos das institucións provinciais e eclesiásticas.
A creación oficial da Casa da Cultura da Coruña ten lugar o 23 de outubro de 1956, cando era director Manuel Pérez Búa (desde o 12 de decembro de 1955), e secretario o director do Arquivo Rexional de Galicia, Antonio Gil Merino (desde o 30 de decembro de 1955). Na mesma data intégrase na Casa da Cultura a Asociación Cultural Iberoamericana da Coruña.
O 5 de novembro de 1956, Manuel Pérez Búa cesa como director para ser substituído por Antonio Gil Merino, que toma posesión o 6 de novembro de 1956 e desempeña o cargo ata a desaparición do centro.
Os recursos económicos estaban constituídos polas contribucións do Ministerio de Educación Nacional e as procedentes dos distintos organismos, entidades e institucións integrados nela. Así mesmo eran recursos propios as achegas de particulares, subvencións, donativos, legados e herdanzas feitas a favor da Casa da Cultura.
O Decreto do 10 de febreiro de 1956 establecía a posibilidade de establecer concertos coas corporacións e entidades provinciais: o Ministerio de Educación Nacional aproba un convenio coa Deputación Provincial da Coruña o 11 de outubro de 1960.
Os diferentes servizos encadrados na Casa da Cultura dispoñían de cadansúas xuntas e de regulamentos propios, pero a programación das súas actividades era aprobada polo padroado anualmente e realizada polo director do centro de acordo coa comisión de réxime interior, que cada ano remitía á Dirección Xeral de Arquivos e Bibliotecas a memoria das actividades culturais realizadas. Entre as actividades, cómpre destacar conferencias, exposicións, concertos, recitais, teatro de ensaio, proxeccións cinematográficas educativas, etc.
Os cambios políticos acaecidos en España a partir de 1975 supuxeron unha reestruturación dos órganos da Administración central coa creación de novos ministerios. En 1977 créase o Ministerio de Cultura e Benestar, que ao ano seguinte pasa a denominarse Ministerio de Cultura. As casas de cultura que estaban encadradas anteriormente na Dirección Xeral de Arquivos e Bibliotecas do Ministerio de Educación e Ciencia pasan a depender da Dirección Xeral de Difusión Cultural do Ministerio de Cultura.
A partir de 1970 a actividade cultural esmorece por problemas económicos e de persoal, aínda que o centro continúa existindo ata 1984.
Historia archivística
O fondo da Casa da Cultura da Coruña, composto pola documentación xerada polo padroado xestor da mesma, a Casa da Cultura e a Asociación Cultural Iberoamericana, ingresa no Arquivo do Reino de Galicia en dous momentos distintos. No caso dos dous primeiros organismos, o ingreso houbo producirse de forma automática ao extinguirse a Casa da Cultura como institución no ano 1984, xa que o seu director era tamén director do Arquivo do Reino de Galicia e ambas as institucións estaban no mesmo edificio. A documentación da Asociación Cultural Iberoamericana chega coma doazón da Biblioteca Pública do Estado da Coruña no ano 1986.
Alcance y contenido
Aínda que as datas extremas son máis amplas, predomina a documentación correspondente ás décadas de 1950-1970, anos de maior actividade das institucións que configuraron a Casa da Cultura da Coruña.
Os subfondos que ofrecen un maior número de series son o da Casa da Cultura e o da Asociación Cultural Iberoamericana. Estas series relaciónanse coa administración e organización económica de ambas as institucións.
As series máis voluminosas do Subfondo da Casa da Cultura da Coruña son as de Contas xustificativas, os Expedientes de actividades culturais e as Memorias de actividades, que reflicten a actividade desenvolvida por esta institución no ámbito cultural da cidade.
No caso da Asociación Cultural Iberoamericana, as series máis voluminosas son as de contido económico, como as Facturas e presupostos, os Libros de caixa e os Xustificantes de subvencións do Instituto de Cultura Hispánica. Outras series proporcionan información sobre a súa organización e as súas actividades, como os Estatutos de Asociacións culturais iberoamericanas, as Actas de sesións e a Correspond encia.
Trátase, xa que logo, dun fondo que ilustra o funcionamento dun organismo coordinador dos centros culturais nel integrados, pero que tamén exerceu un activo papel de difusión cultural.
Condiciones de acceso
Condiciones de acceso
Descripción condiciones de acceso:
Acceso libre en xeral.
Condiciones de reproducción
Condiciones de reproducción:
A reprodución da documentación deste fondo está suxeita ás seguintes disposicións:
- Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.
- Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lengua:
Spanish; Castilian
Escritura:
Humanista
Características físicas
Estado de conservación:
Bo
Descripción del estado de conservación:
Trátase basicamente de documentación textual sobre papel, en bo estado de conservación
Documentación relacionada
Existencia y localización de copias
Existencia de copias: Non existen copias
Unidades de descripción relacionadas
Unidades de descripción relacionadas: Pódese atopar documentación sobre as Casas da Cultura nos Arquivos Municipais, Arquivos Históricos Provinciais e Arquivo Xeral da Administración de Alcalá de Henares.
Notas
Nota general
Conta con intrumentos de traballo complementarios: Estudos de series identificadas
Xunta de Galicia. Información mantenida y publicada en internet por la Xunta de Galicia