As cámaras da propiedade urbana creáronse por Real decreto de 16 de xuño de 1907, que transformou nestas corporacións as asociacións de carácter permanente fundadas para defender e fomentar os intereses dos intereses da propiedade urbana. O Real decreto de 25 de novembro de 1919 do Ministerio da Gobernación crea en cada capital de provincia de máis de 20.000 habitantes unha Comisión mixta de conciliación e arbitraxe entre propietarios de fincas urbanas e establece a colexiación obrigatoria dos propietarios de fincas urbanas nas cámaras oficiias da propiedade. Regulamentáronse de forma provisional por Real decreto de 28 de maio de 1920 e, definitiva, por Real decreto Lei de 6 de maio de 1927. Trala Guerra Civil, durante a que se suspendeu a renovación das xuntas de goberno das cámaras, a Lei de 30 de maio de 1941 estableceu que o presidente das cámaras nomearíase polo Ministerio de Traballo entre os propostos polo gobernador civil; os vocais designaranse polo gobernador civil a proposta do presidente da Cámara. O 10 de febreiro de 1950 aprobouse un novo Regulamento orgánico, modificado despois polo Decreto do 2 de febreiro de 1956. Alí defínense as cámaras como corporacións oficiais e de dereito público con plena personalidade xurídica para cumprir os seus fins. Sósteñense mediante o cobro dunha cota obrigatoria aos seus asociados proporcional ao importe da contribución urbana. Por Real decreto 1649/1977, do 2 de xuño, apróbase un novo regulamento que, xunto con outras disposicións posteriores, introducen "unha certa democratización no sistema electoral". Democratización que se consolidará en 1986 polo Real decreto 2619/1986, do 24 de decembro. As cámaras comezan a extinguirse coa Lei 33/1987, do 23 de decembro, de Presupostos xerais do Estado para 1988, que suprimiu a exacción "cota da Cámara Oficial da Propiedade Urbana". A Lei 37/1988, do 28 de decembro, de Presupostos xerais do Estado para 1989 suprimiu a afiliación obrigatoria ás cámaras. A Comunidade Autónoma de Galicia asumiu a competencia en materia de corporacións públicas, incluídas as cámaras agrarias, por Real decreto 2577/1983, do 25 de agosto, e regulounas polo Decreto 224/1991, do 20 de xuño, polo que se aprobou o Regulamento das cámaras da propiedade urbana de Galicia. O Real decreto lei 8/1994, do 5 de agosto, suprimiu as cámaras como corporacións de dereito público e regulou o réxime e destino do seu patrimonio. A Xunta de Galicia estableceu o procedemento para a súa liquidación por Decreto 46/1999, do 11 de febreiro. No artigo 3º deste decreto estableceuse unha comisión de liquidación adscrita á Consellería de Política Territorial, Obras Públicas e Vivenda.
Presumiblemente, o fondo permañeceu no poder da Cámara ata o momento da súa supresión. É probable que nese momento sufrise algún traslado, pois cando se realizou a transferencia unha parte dos documentos se atopaba nun local na rúa Dolores número 28 e outra, menor, na sede da Delegación do Instituto Galego da Vivenda e Solo.
Alcance y contenido
De acordo coa revisión realizada no momento da transferencia dos documentos, as series que están presentes neste fondo atinxen tanto á xestión da actividade propia da Cámara (actas das sesións, xestión de arrendos, entrada e saída de correspondencia, constitución de fianzas...), como da xestión orzamentaria e da contabilidade, así como do persoal.
Documentación relacionada
Existencia y localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia