Interoperabilidade do repositorio

OAI, siglas en inglés de Open Arquives Initiative, naceu co obxectivo de facilitar o acceso e a recuperación do material académico editado electronicamente, ePrints. Pero na actualidade ten tamén como propósito facilitar unha consulta o máis ampla posible dos recursos dixitais, e dos fondos e/ou coleccións relacionados coa cultura, a ciencia e o ensino dixital.

Trátase dunha normativa amplamente estendida que se apoia nun protocolo de mensaxes de intercambio moi sinxelos e na codificación dos rexistros segundo o esquema de metadatos Dublin Core, ISO 15836. Este permite describir ese tipo de información documental dunha forma simple e moi flexible.