Delegación Provincial do Ministerio de Información e Turismo
Data de creación
1956-01-01 / 1980-12-31. 1956 a 1980
Nivel de descrición
Fondo
Volume e soporte da unidade de descrición
20 Unidade(s) de instalación
Historia e alcance
Historia institucional/Reseña biográfica
O Ministerio de Información e Turismo xorde en 1951 (Decreto lei do 19 de xullo de 1951, polo que se reorganiza a Administración central do Estado) para recoller, por unha banda, os servizos de Prensa, Propaganda, Radiodifusión e Cinematografía e Teatro que ata entón dependían do Ministerio de Educación, recibidos en 1945 da Vicesecretaría de Educación Popular da FET e das XONS. Recolle tamén as funcións da Dirección Xeral de Turismo creada no Ministerio do Interior en 1938.
En cada provincia organízanse en delegacións provinciais e asumen as funcións dos delegados provinciais de Educación Popular (Decreto do 29 de agosto de 1951). Regúlanse nos decretos do 15 de febreiro de 1952, do 18 de xaneiro de 1968, do 21 de marzo de 1970 e por último no Decreto 3319, do 28 de novembro de 1974, que especifica as funcións e competencias: todo o relacionado coa información (xornais, empresas xornalísticas, publicacións infantís e xuvenís, etc); promoción cultural; ordenación das actividades teatrais, cinematográficas e calquera espectáculo público; acción administrativa no relacionado cos programas sonoros, radiodifusión e televisión; turismo e vixilancia da publicidade. En todas estas materias, as delegacións exercen funcións de vixilancia, control e sanción. A última remodelación efectúase por Orde ministerial do 27 de febreiro de 1975, pola que ademais se clasifican en categorías, sendo a da Coruña de primeira.
Desaparece en 1977 e a meirande parte das súas competencias pasa ao Ministerio de Cultura, agás a función de Promoción de Turismo, que se integra no novo Ministerio de Transportes, Turismo e Comunicacións.
Historia arquivística
A documentación chegou ao Arquivo mediante unha transferencia irregular: tratouse máis ben dunha recuperación ante unha posible destrución. Nos anos 80 do século XX (aproximadamente no 1989), ante o inminente traslado da sede da delegación, o persoal do ARG achegouse ata o edificio da Praza de Pontevedra para recoller toda a documentación "almacenada" no depósito das caldeiras. Por suposto, sen ningún tipo de clasificación nin identificación ou relación. Así, o que nun principio parecía unicamente documentación da Fronte de Xuventudes, abrangue tamén documentos da Sección Feminina, do SEU, da delegación provincial do Ministerio de Cultura, e mesmo da Consellería.
Así podemos afirmar que estamos ante nove fondos, herdeiros os últimos do primeiro. Serían:
- a documentación da Xefatura Comarcal do Movemento de Betanzos;
- a da Delegación Provincial de Xuventudes;
- a da Sección Feminina;
- a da Delegación Provincial de Asociacións/Familia;
- a Delegación Provincial do Ministerio de Información e Turismo;
- a Delegación Provincial do Ministerio de Educación e Ciencia;
- a Delegación/Dirección Provincial do Ministerio de Cultura;
- a Delegación Provincial da Consellaría de Cultura;
- a Delegación Provincial da Consellaría de Turismo, Xuventude e Deportes.
E un décimo fondo, a documentación da "Sociedad La Terraza" chegou mesturada con estes fondos, probablemente porque compartiran as mesmas instalacións.
Alcance e contido
O conxunto da documentación deste fondo custodiada no Arquivo abarca os anos 1956-1980. Entre as funcións destaca a de exercer distintos tipos de censura, tanto de prensa e publicacións como as autorizacións de espectáculos e actos culturais. Polo que respecta ás series, o maior número corresponde á Sección de Información. Trátase de todos os xeitos de series moi curtas, agás a de "Expedientes de teleclubs" e a de "Expedientes de censura de obras teatrais" da Sección de Espectáculos e Turismo.
Trátase, pois, dun fondo que ilustra tanto a actividade cultural da provincia como o control exercido pola Administración nese eido a través da censura.
Condicións de acceso
Condicións de acceso
Descrición condicións de acceso:
Acceso libre en xeral.
Lingua:
Spanish; Castilian
Características físicas
Estado de conservación:
Bo
Descrición do estado de conservación:
Trátase de documentación textual sobre papel, en bo estado de conservación
Documentación relacionada
Existencia e localización de copias
Existencia de copias: Non existen copias
Unidades de descrición relacionadas
Unidades de descrición relacionadas: Hai unha parte da documentación xa descrita que conta cun inventario en fichas (ficheiro 341). Pode considerarse como relacionada a documentación da Delegación Provincial do Ministerio de Educación e Ciencia, do Ministerio de Cultura, da Consellaría de Cultura e da Consellaría de Turismo, Xuventude e Deportes. Atoparemos documentación complementaria nos arquivos históricos provinciais e no Arquivo Xeral da Administración de Alcalá de Henares. Tamén é documentación complementaria a das institucións do Movemento Nacional: Delegación Provincial de Xuventudes, Sección Feminina e Asociacións/Familia
Notas
Nota xeral
As unidades de instalación están compartidas con outros fondos.
Conta con instrumentos de traballo complementarios: estudos das series identificadas e bases de datos de lexislación e de teleclubs.
Xunta de Galicia. Información mantenida y publicada en internet por la Xunta de Galicia