Delegación do Goberno en Galicia

Referencia

• ES.GA.15030.ARG/1.3.1.5.

Título

• Delegación do Goberno en Galicia

Data de creación

• 1997-01-01 / 2004-12-31. 1997 a 2004

Data de acumulación

• 1997-01-01 / 2004-12-31. 1997 a 2004

Nivel de descrición

• Fondo

Volume e soporte da unidade de descrición

• 59 Unidade(s) de instalación compartida(s)
• 1917 Unidade(s) de instalación

• Delegación do Goberno en Galicia ‌

Historia institucional/Reseña biográfica

• A institución do Delegado do Goberno foi creada pola Constitución de 1978 no artigo 154 do Título VIII, aínda que é posible rastrexar institucións parecidas na historia de España desde inicios do século XIX. Esta figura foi creada como consecuencia da necesidade de adaptar a estrutura administrativa do Estado á nova España das autonomías. Posúe funcións de dirección da Administración do Estado nas comunidades autónomas e de coordinación coa Administración propia da comunidade autónoma. O Real decreto 2238/1980, do 10 de outubro, regulou esta figura, as súas funcións e competencias. Establece que, a diferenza do disposto na Constitución Española, o seu nome pasará a ser o de gobernador xeral. O Real decreto 1801/1981, do 24 de xullo, de reforma da Administración periférica do Estado, establece que a Administración periférica estará integrada polas delegacións xerais do Goberno no territorio das comunidades autónomas e polos gobernadores civís. A Orde do 26 de maio de 1982, de desenvolvemento parcial do anterior Real decreto, establece a estrutura da Secretaría Xeral da Delegación do Goberno en Galicia. A Lei 17/1983, do 17 de novembro, sobre desenvolvemento do artigo 154 da Constitución Española, retoma o nome de delegados do Goberno nas comunidades autónomas e fixa as súas funcións e competencias. Establece que asume a representación do Goberno no territorio da comunidade autónoma e que exerce a súa autoridade superior sobre os gobernadores civís e sobre todos os órganos da Administración civil do Estado no territorio da comunidade autónoma. A norma anterior foi derrogada pola Lei 6/1997 de organización e funcionamento da Administración xeral do Estado: os delegados do Goberno nas comunidades autónomas representan o Goberno no seu territorio, sen prexuízo da representación ordinaria do Estado nas comunidades autónomas a través dos seus respectivos presidentes. Exercen a dirección e supervisión de todos os servizos da Administración xeral do Estado e dos seus organismos públicos situados no seu territorio. Tamén establece as competencias e diferentes órganos asesores das delegacións.

Historia arquivística

• Ata o momento do ingreso no Arquivo do Reino de Galicia, o fondo permaneceu nas instalacións da Delegación do Goberno en Galicia.

Existencia e localización de copias

• Existencia de copias: Non existen copias