Causa formada gobernador subdelegado de rendas de Ferrol sobre terse aprehendido pola guarnición e tripulación da corbeta da S.M. Zafiro unha goleta contrabandista chamada Francisca, con carga de tabaco e outros efectos, e a fuga dos reos
Data de creación
1828-01-01 / 1829-12-31. 1828, enero, 1 a 1829, diciembre, 31
Data de acumulación
1828-01-01 / 1829-12-31. 1828, enero, 1 a 1829, diciembre, 31
Descoñecemos a data da instauración da Subdelegación de Rendas de Ferrol; é posible que xa funcionase nos primeiros anos da década de 1710 como parte das funcións dos corrixidores. De feito, a Real ordenanza de 1718 establece que o intendente pode subdelegar as súas funcións nos corrixidores. Na Ordenanza de intendentes-corrixidores do 13 de outubro de 1749, encárgaselles precisamente a persecución do contrabando e da fraude na renda do tabaco.
No caso de Ferrol, ademais, o corrixidor pasa a chamarse alcalde maior. Pola Real decisión do 14 de decembro de 1760 e a Cédula do Consello de Facenda do 17 de decembro do mesmo ano, será o encargado de atender o contrabando e o cobro das rendas reais. En 1794 xa aparece á fronte do goberno da cidade o gobernador político e militar, que ten ademais a función de xuíz subdelegado de rendas. Esta función estableceuse na Instrución xeral de rendas de 1816, que dispón claramente que os subdelegados de rendas serán os gobernadores das provincias marítimas coas mesmas funcións que os intendentes en cadanseus territorios, aínda que o alcalde maior da vila seguirá a ser asesor nato da Subdelegación.
A Subdelegación artéllase arredor do xeneral gobernador subdelegado de rendas, que coincide na persoa do gobernador político e militar de Ferrol, que resolve, normalmente, as causas presentadas polos carabineiros, así como o remate do arrendamento dos impostos. Conta tamén a Subdelegación, ademais dun escribán, cun subdelegado de rendas que depende do gobernador e atende os mesmos negocios ca el; ambos alternan as súas funcións como xuíces.
Polo Real Decreto de 23 de maio de 1845 que organiza a administración central e provincial da facenda pública o subdelegado de rendas de Ferrol pasa a depender do intendente provincial
Historia arquivística
Este fondo ingresou por transferencia o 16 de novembro de 1982, mesturado dentro do fondo do Xulgado de Primeira Instancia e Instrución de Ferrol, encargado de transferir ao Arquivo a documentación procedente da antiga xurisdición de Ferrol. Pode que a documentación pasase a este xulgado en cumprimento do Real decreto do 21 de abril de 1834, que ordenaba que cesasen todos os alcaldes ordinarios das vilas e que lles remitisen aos xuíces letrados das cabezas de partido todos procesos e expedientes nos que estivesen entendendo. Así, todos os escribáns dos coutos e xurisdicións suprimidos debían entregar os seus asuntos ao gobernador político e militar de Ferrol, que tamén era o subdelegado de rendas. Temos que esperar ata 1851, cando se abren os armarios do defunto escribán desta subdelegación, José González Solís, para que cheguen ao Arquivo os seus expedientes e causas desde o ano 1809 ata 1848. Aínda que non se poden descartar outras transferencias sen documentar.
Alcance e contido
Documentos compostos que reflicten un proceso xudicial penal/criminal seguido contra quen introduce tabaco ou mercadorías de xeito ilegal no país.
Na fase de iniciación:
- Denuncia, ou ben intervención de oficio do cabo de resgardo de rendas
Na fase de instrución:
- Unha fase sumaria, baseada en principios inquisitivos, dirixida a pescudar a comisión dun delito e as súas circunstancias, ordenada polo administrador principal das rendas de salinas, tabacos e máis rendas estancadas de Ferrol.
- Información sumaria (sen intervención do acusado)
- Adopción de medidas cautelares (prisión preventiva do reo, embargo de bens)
- Interrogatorios
- Unha fase plenaria:
- Trasládase a información sumaria ás partes (formalización da acusación, contestación do reo, réplicas)
- Fase probatoria (auto de recepción de causa á proba, proba testifical, etc, alegacións de ben probado
- Remate, normalmente con sentenza
Clase de documento:
Textual
Condicións de acceso
Condicións de acceso
Descrición condicións de acceso:
Acceso libre en xeral.
Condicións de reprodución
Condicións de reprodución:
A reprodución da documentación deste fondo está suxeita ás seguintes disposicións:
- Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.
- Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lingua:
Spanish; Castilian
Características físicas
Estado de conservación:
Regular
Documentación relacionada
Existencia e localización de copias
Existencia de copias: No existen copias
Unidades de descrición relacionadas
Unidades de descrición relacionadas: Real Audiencia de Galicia
Audiencia Territorial de Galicia
Real Intendencia de Galicia
Xulgado da vila de Ferrol e da Graña/Xulgado de primeira instancia de Ferrol
Notas
Nota xeral
Leva unha numeración de orixe da súa escribanía: núm. 296
Gobernador subdelegado de rendas
Xunta de Galicia. Información mantenida y publicada en internet por la Xunta de Galicia