Colexio Oficial de Enxeñeiros Industriais de Galicia
Fecha de creación
1978-01-01 / 2000-12-31. 1978 a 2000
Nivel de descripción
Fondo
Volumen y soporte de la unidad de descripción
2059 Unidade(s) de instalación
Historia y alcance
Historia institucional/Reseña biográfica
O artigo 1 dos Estatutos do Colexio Oficial de Enxeñeiros Industriais de Galicia, aprobados polo Decreto 160/2007, do 26 de xullo (DOG núm. 154, do 9 de agosto) (ECOEIG), afirma que o Colexio se constituíu en cumprimento do Decreto 118/1949, do Ministerio de Industria e Comercio, segundo o establecido nos estatutos xerais dos colexios de enxeñeiros oficiais, aprobados pola orde do mesmo ministerio do 6 de setembro de 1950.
Ademais dos seus estatutos, rexen a actividade do Colexio a Lei 11/2001, do 8 de setembro, de colexios profesionais da Comunidade Autónoma de Galicia (DOG núm. 189, do 28 de setembro), os Estatutos Xerais dos Colexios Oficiais de Enxeñeiros Oficiais e do seu Consello Xeral, aprobados polo Real Decreto 1332/2000, do 7 de xullo do mesmo ano (BOE núm. 175, do 22 de xullo), e a Lei 2/1974, do 13 de febreiro, de Colexios profesionais (BOE núm. 40, do 15 de febreiro), modificada, entre outras, pola Lei 7/1997, do 14 de abril, de medidas liberalizadoras en materia de solo e de colexios profesionais (BOE núm. 90, do 15 de abril).
No artigo 2 dos Estatutos, sinálase que o Colexio é unha corporación profesional de dereito público, con personalidade xurídica propia e plena capacidade xurídica pública e privada para o cumprimento dos seus fins. No artigo 4, establécese que integrará obrigatoriamente a todos os enxeñeiros industriais no exercicio da súa profesión, con título oficial recoñecido polo Estado, procedentes de centros docentes creados ou recoñecidos polo Estado ou polas comunidades autónomas no ámbito das súas respectivas competencias, xa foren públicos ou privados, e integrará tamén os enxeñeiros superiores con título estranxeiro homologado ao de enxeñeiro industrial ou recoñecido oficialmente polo Estado Español para os efectos profesionais. Indícase tamén que quedan exceptuados do requisito de incorporación ao colexios os enxeñeiros vinculados coa administración pública mediante servizos de carácter administrativo ou laboral, cando o destinatario inmediato sexa a mesma administración.
Entre os fins do Colexio áchanse ordenar, no ámbito da súa competencia, e de acordo cos criterios básicos que estableza o Consello Xeral dos Colexios, o exercicio da profesión dos colexiados, velando pola ética e dignidade profesional e polo respecto debido aos dereitos da sociedade en xeral; ou ostentar, no seu ámbito, a representación exclusiva da profesión, ademais de defender os intereses profesionais dos colexiados (artigo 6.1). Entre as facultades necesarias para o cumprimento deses fins, áchase a do visado dos traballos profesionais dos colexiados (artigo 7.4 - ECOEIG-), "que deban ter efectos administrativos" (artigo 6.1. dos Estatutos Xerais dos Colexios Oficiais de Enxeñeiros Oficiais e do seu Consello Xeral). Así, os traballos profesionais, asinados polo enxeñeiro industrial, deberán ser visados polo colexio do ámbito territorial da administración correspondente. Para estes efectos, os colexiados deberán someter ao Colexio previamente a documentación profesional que deba ter efectos administrativos (artigo 8.3 - ECOEIG-). O visado garante a identidade, a titulación e a habilitación do que subscribe o traballo. Así mesmo, acredita a autenticación, o rexistro, a corrección formal de presentación dos documentos e que contemplou a normativa aplicable, pero non sanciona o contido do traballo profesional nin a súa corrección técnica (artigo 8.1 -ECOEIG-).
O Colexio de Enxeñeiros organízase territorialmente nas delegacións da Coruña, Vigo, Lugo, Ourense, Pontevedra, Santiago e Ferrol. A súa finalidade é potenciar a presenza e eficacia e facilitar o funcionamento administrativo do Colexio (artigo 47 - ECOEIG-). As delegacións realizan, entre outras actividades de carácter representativo e administrativo, a intervención da documentación dos traballos profesionais dos seus colexiados para a súa validez administrativa e responsable, efectuando, no caso de solicitude expresa do colexiado, o cobro dos honorarios correspondentes, "sen prexuízo do posterior control centralizado (...) [que se estableza] para o ámbito xeral do Colexio (artigo 49.2 g).
Historia archivística
Ata o momento do seu ingreso no Arquivo do Reino de Galicia, os expedientes que conforman este fondo achábanse depositados nos locais das delegacións do Colexio na Coruña, Lugo, Ferrol e Pontevedra.
Alcance e conteúdo
O conxunto de documentos que integra o fondo documental está constituído por unha única serie documental, a de Expedientes de visado, procedentes das delegacións da Coruña, Ferrol, Lugo e Pontevedra. Un expediente de visado comprende habitualmente o proxecto técnico dunha obra ou instalación cos selos e a dilixencia que acreditan o seu control pola delegación correspondente do Colexio. O proxecto adoita incluír:
1. Memoria. Selada co selo da delegación do Colexio no primeiro e no último folio.
2. Planos. Todos selados pola correspondente delegación.
3. Orzamento, con todos os folios selados.
De ser o caso: oficio do Colexio ao que pertenza o colexiado que realiza o proxecto remitindo o proxecto ao Colexio de Galicia para o seu visado e para liquidar os correspondentes dereitos de visado.
Ao final do proxecto, consta o selo que acredita o visado, coas seguintes indicacións:
- Número de rexistro.
- Número de colexiado.
- Data.
- Sinatura do delegado acreditativa do visado.
Condiciones de acceso
Condiciones de acceso
Descripción condiciones de acceso:
O acceso determinarase en cada caso, de acordo co establecido pola Lei 19/2013, do 9 de decembro, de transparencia, acceso á información e bo goberno (BOE núm. 295, do 10 de decembro).
Condiciones de reproducción
Condiciones de reproducción:
Os autores dos proxectos conservan a propiedade intelectual sobre estes.
Documentación relacionada
Existencia y localización de copias
Existencia de copias: Non existen copias
Xunta de Galicia. Información mantenida y publicada en internet por la Xunta de Galicia