En 1967 o Centro Español de Nuevas Profesiones (CENP) inaugura a Escola de Turismo da Coruña. Nos anos seguintes o CENP iniciou novas titulacións: en 1975 créase a Escuela de Relaciones Públicas, en 1983 a Escuela de Marketing e en 1990 a Escuela de Comercio Exterior.
En 1998 a Xunta de Galicia autorizou, por medio do Decreto 346/1998 a adscrición da Escola de Turismo «Centro Español de Nuevas Profesiones» da Coruña á Universidade da Coruña, como Escola Universitaria de Turismo. A adscrición realizábase de acordo co Real decreto 259/1996, do 16 de febreiro, sobre incorporación á universidade dos estudios superiores de turismo e de acordo tamén co convenio de adscrición subscrito entre a Escola de Turismo «Centro Español de Nuevas Profesiones» da Coruña e a Universidade da Coruña. O decreto da Xunta de Galicia autorizaba á citada Escola Universitaria de Turismo a impartir as ensinanzas conducentes á obtención do título de diplomado/a en turismo.
Esta situación continuou ata maio de 2020. O Decreto 99/2020 da Xunta de Galicia autoriza a desadscrición da Escola Universitaria de Turismo Centro Español de Nuevas Profesiones (CENP) da Universidade da Coruña. A partir do curso 2020/2021 Universidade da Coruña asume a docencia de todos os cursos do grao en Turismo, que pasa a impartirse nun centro propio da universidade. En xullo de 2021 creouse a Facultade de Turismo.
Fontes: - [En liña: http://cenpcoruna.es/el-cenp/historia/ Consulta: 04/09/2020] – Diario Oficial de Galicia, 4 de decembro de 1998 – Diario Oficial de Galicia, 15 de xullo de 2020 – Diario Oficial de Galicia, 14 de xullo de 2021 –Conversas mantidas con traballadores da Escola de Turismo-CENP da Coruña en setembro de 2020.
Historia archivística
O fondo documental da Escola de Turismo-CENP da Coruña seguiu as vicisitudes da sé do propio CENP. O primeiro local da Escola de Turismo estivo na Rúa Real. En 1986 trasladouse a outro piso na rúa Zalaeta 20. En 1999 efectuouse o traslado a un edificio (antigo Sanatorio Riazor) radicado na zona da Cidade Xardín. No verán de 2020 efectuouse outro traslado, esta vez ao edificio compartido coa Facultade de Filoloxía sito no Campus da Zapateira.
Alcance y contenido
Contén documentos producidos antiga Escola de Turismo «Centro Español de Nuevas Profesiones» da Coruña. Trátase sobre todo de documentación de xestión académica, fundamentalmente expedientes de estudantes e actas de exame.
Condiciones de acceso
Lengua:
Spanish; Castilian
Escritura:
Mecanografada
Características físicas
Material en el que se registra la información:
Papel
Estado de conservación:
Bo
Notas
Nota al área de identificación
O campo 1.5 (Volume) foi actualizado por última vez o 07/09/2020.