Asociación Galega de Compositores

Referencia

• ES.GA.15078.AG/2.2.2.

Título

• Asociación Galega de Compositores

Fecha de creación

• 1950-01-01 / 2000-12-31. [Século XX]

Nivel de descripción

• Fondo

Volumen y soporte de la unidad de descripción

• 7 Unidade(s) de instalación

Historia institucional/Reseña biográfica

• A Asociación Galega de Compositores (AGC) é unha entidade sen ánimo de lucro que integra músicos nacidos en Galicia ou residentes nela. Creouse o 22 de xuño de 1987 por iniciativa de Jorge Berdullas del Río, Juan Durán, Carlos López García-Picos, Manuel Mosquera, Xavier de Paz, Paulino Pereiro e Juan Vara para promover a gravación, interpretación e publicación das obras musicais compostas polos seus membros. Entre os seus socios, a Asociación inclúe, ademais de compositores galegos ben coñecidos, como Juan Durán, Paulino Pereiro, Juan Vara ou Joam Trillo, a outros procedentes de distintas partes de España ou do estranxeiro residentes na actualidade en Galicia, como Manuel Alejandre Prada, Miguel Brotóns, Gabriel Bussi ou Karolis Biveinis. Todos os compositores deben acreditar, a xuízo da Asociación, unha calidade suficiente para formar parte dela. A asociación réxese por unha Xunta directiva, da que só poden formar parte os socios e socias numerarios, elixida democraticamente cada catro anos pola Asemblea Xeral, que está integrada por socios numerarios e protectores. Dende a súa fundación, a Asociación Galega de Compositores mantén tres liñas de actuación: procurar a interpretación, gravación e publicación das creacións dos seus membros, así como dos compositores históricos galegos. Paralelamente, a AGC colabora ou participa en actividades organizadas por outras asociacións ou entidades como a súa participación nas III, IV e VI Xornadas de Música Contemporánea celebradas en Santiago de Compostela en 1989, 1990 e 1992 respectivamente, a súa intervención en 2003 na organización do maratón musical "Os músicos coruñeses coa marea negra", ou o seu apoio ás recentes homenaxes realizadas en 2008 aos compositores Enrique Macías e Manuel Balboa. Por último a iniciativa da AGC realízase en 2005 o Ciclo Arquivo Canuto Berea da Deputación Provincial da Coruña que incluía composicións dos compositores históricos galegos e contemporáneos. Ademais doutras iniciativas e actividades, ten especial interese, pola súa continuidade e relevancia a organización dos Ciclos de Música de Cámara. Pola súa traxectoria, a Asociación foi galardoada cos Premios da Crítica de Galicia en novembro de 2012.

Historia archivística

• É un fondo aberto en continuo crecemento, polo que estaría aberto a sucesivas achegas. O conxunto documental ingresado no Arquivo de Galicia está formado por obras de creación musical recollidas pola asociación e, máis adiante, debe entrar a propia documentación xerada pola entidade no desenvolvemento das súas actividades.

Alcance y contenido

• O conxunto desta entrega inicial está formado integramente por obras musicais, 597 en forma textual, e dúas en audio. Das 580 obras, só 45 están publicadas por diferentes editoriais. Xa que logo, as restantes pódense considerar orixinais. Dentro do conxunto, 181 partituras áchanse impresas en papel, mentres 397 constan en soporte electrónico (CD-ROM) e formato PDF, 1 no mesmo soporte pero en formato SIB, BAK e MUS e outra máis en formato de audio.

Clase de documento:

• Textual

Condiciones de reproducción

Derechos de autor

Situación de derechos de autor:

• Por tratarse de obras de creación de autores maioritariamente vivos o acceso pode presentar problemas en relación coa propiedade intelectual das obras.

Existencia y localización de copias

• Existencia de copias: No existen copias