Nado en 1923 en Santiago de Compostela e vinculado familiarmente ao mundo empresarial, profesionalmente estivo integrado na carreira xudicial, foi director xeral da Asesoría Xeral da Xunta de Galicia, profesor da Escola de Práctica Xurídica na Universidade de Santiago de Compostela, asesor xurídico da Beneficencia Provisional da Cruz Vermella Española, e, de forma principal, exerceu a abogacía. Outras actividades que desenvolveu relaciónanse coa política municipal de Santiago (foi concelleiro na época da transición democrática), ou coa súa condición de socio de diferentes entidades de carácter cultural, benéfico, empresarial, ou simplemente profesional, como a Real Sociedade Económica de Amigos do País, a Cociña Económica de Santiago de Compostela, Caixa Galicia, onde foi conselleiro xeral ou O Correo Galego, do que foi colaborador.
Historia arquivística
En novembro de 2009 depositouse provisionalmente ata a súa aceptación oficial como doazón pola Xunta de Galicia.
Condicións de acceso
Condicións de acceso
Descrición condicións de acceso:
O acceso aos arquivos e rexistros administrativos e un dereito contemplado pola Constitución Española de 1978 (artigo 105, b). Este dereito, que ten as restricións establecidas na Constitución e nas leis, está regulado con carácter xeral pola Lei 30/1992, de 26 de novembro, do Réxime Xurídico das Administracións Públicas e do Procedemento Administrativo Común -no que afecta á documentación administrativa -e pola Lei 16/1985, do 25 de xuño, do Patrimonio Histórico Español -no que afecta á documentación histórica.
Normativa:
Aínda que se trata de documentos de carácter privado, ao estar depositada nun Arquivo de titularidade pública, adquiren a condición de Bens de Interese Cultural (art. 50 da Lei 8/1995, de 30 de outubro, do Patrimonio Cultural de Galicia e 60 da Lei 16/1985, do 25 de xuño, do Patrimonio Histórico Español), pasando a gozar así do réxime de protección establecido nesas normas.
Condicións de reprodución
Condicións de reprodución:
A reprodución de documentos está suxeita á Lei 6/2003, de 9 de decembro, de taxas, prezos e exaccións reguladoras da Comunidade Autónoma de Galicia, e polo Decreto 320/1992, de 12 de decembro, polo que se fixan os prezos percibidos pola Xunta de Galicia, para os arquivos e museos xestionados pola Xunta ou de titularidade autonómica. Igualmente a publicación dunha reprodución debe ser autorizada, devengando o prezo público establecido no devandito Decreto ( artigo 5).