Fermín Fernández Penzol-Labandera (1901-1981), naceu Sahagún (León). Pasou a súa infancia en Mondoñedo, a súa adolescencia en Pontevedra e a súa vida de estudiante universitario en Madrid, onde se licenciou en Dereito. Foi rexistrador da propiedade de profesión. O seu afán bibliófilo levouno a formar un importante conxunto bibliográfico e documental especializado en temas de Galicia, Portugal é, en menor medida, Asturias. No 1956 Fermín Penzol realiza a entrega simbólica do seu legado a Editorial Galaxia e anos mais tarde, mediante escritura notarial do 7 de abril de 1963, constitúese na cidade de Vigo a Fundación Penzol cun padroado formado por personaxes destacadas das artes, das letras e das ciencias de Galicia. A súa principal finalidade será a de servir como centro de investigación de estudios galegos. A Fundación establécese en Vigo, inicialmente no número 24 da rua Policarpio Sanz baixo a dirección de Francisco Fernández del Riego. No 1985 mediante acordo suscrito entre a Fundación Penzol e o Concello de Vigo, os fondos trasládanse aos locais da Casa Galega da Cultura de Vigo no número 2 da Praza da Princesa, a súa sé actual. En 2008 anóvase o Patronato da Fundación ampliando os seus membros e incorpórandose institucións no mesmo (Real Academia Galega e Consello da Cultura Galega). Francisco Fernández del Riego, alma e brazo executor da Fundación, retírase, producíndose dous anos máis tarde o seu pasamento. O seu sustituto e director actual é Francisco Domínguez..
Historia arquivística
Das referencias na correspondencia privada e papeis de Fermín Penzol, conclúese que foron mercados polo mesmo en diversas librerías de vello e a algúns particulares.
Alcance e contido
Contén: 1.- 1525-01-09 / Rianxo Tareixa López, muller de Roy Becerra o Vello, vende a Roy de Corán e María Rodríguez o lugar de Outeiro, feligresía de San Martiño de Callobre, por tres ducados de ouro. [F. 1r.] 2.- 1525, 03-27 / Outeiro, O (San Martiño de Callobre) Toma de posesión do lugar de Outeiro, en Santa María de Callobre, por parte de Roy de Arán. Ante Alberte Fernández, notario. [F. 1v.-2r.].
Condicións de acceso
Condicións de acceso
Descrición condicións de acceso:
Libre acceso en función do estado de conservación.
Lingua:
Galego con castelanismos (texto do documento) e castelán (suscripción notarial)
Escritura:
Letra procesal
Características físicas
Material no que se rexistra a información:
Papel
Notas
Nota xeral
Acompaña bifolio de papel (296 X 412 mm. ) que lle serviu de cuberta, ao que estaba cosido. [Filigrana: escudo con cruz de Malta e letras (CAPELLADES) (Ca. 1780)]. Onomástica antiga: - Tareyja Lopes - Roy Vezerra o Vello - Roy de Corán Toponimia antiga: - Outeyro - Sant Martino de Callobre - Rianjo Notario: - Venda: "Juan Lopes, notario jurado del numero de la villa de Riajo (SIC) e terra de Postomarcos por la Santa Yglleia e arçobispado de Santiago" - Toma de posesión: "Alberte Fernandes, notario e theniente de notario publico en terra de Tabeyroos por el honrrado Alonso Lopez Gallos, notario hordenario en la Santa Yglleia de Santiago e arçobispo della, mi senor".