O Decreto do 22 de febreiro de 1941 estableceu a Delegación Nacional de Deportes de Falange Española Tradicionalista e das J.O.N.S. que, por Decreto do 12 de xuño de 1956 pasou a denominarse Delegación Nacional de Educación Física e Deportes.
Os servizos da Secretaría Xeral do Movemento reestrutúranse por Decreto do 20 de xullo de 1957 e a Delegación Nacional de Educación Física e Deportes queda baixo a dependencia directa do Ministro Secretario Xeral do Movemento.
A circular do 30 de maio de 1958 da Delegación Nacional de Educación Física e Deportes dita as normas de constitución das Xuntas Provinciais de Educación Física e Deportes, así como dos membros que deben integralas, segundo consta no acta de constitución da Xunta Provincial de Lugo do 28 de xuño de 1958.
O Decreto 15/1970 do 5 de xaneiro, polo que se sancionan as normas de estrutura da Secretaría Xeral do Movemento establece no seu artigo 3º que a Secretaría Xeral promoverá, dirixirá e realizará as funcións que lle son propias a través das delegacións nacionais, entre elas a Delegación Nacional de Educación Física e Deportes.
As Delegacións Provinciais de Educación Física e Deportes créanse polo Decreto 2485/1970 do 21 de agosto, de promulgación das normas de organización e desenvolvemento dos órganos da Secretaría Xeral do Movemento, regulándose a súa organización, funcións e competencias pola Orde Ministerial do 21 de xuño de 1974, mantendo ás Xuntas Provinciais de Educación Física e Deportes como órganos consultivos e orientadores do deporte provincial, ostentando a súa presidencia o Xefe Provincial do Movemento. Ao mesmo tempo, a citada orde establece a posibilidade de que se constitúan delegacións comarcais e locais.
O Real Decreto-Lei 23/1977 do 1 de abril, á vez que extingue a propia Secretaría Xeral do Movemento, transforma e reestrutura todos aqueles organismos dependentes daquela e transfíreos á esfera da Administración Pública; ao amparo do establecido nesta disposición, o Real Decreto 596/1977, do 1 de abril, crea a Subsecretaría de Familia, Mocidade e Deporte e, dentro dela a Dirección Xeral de Educación Física e Deporte. Tamén dispón que en cada provincia haberá unha Delegación de Familia, Mocidade e Deporte. A estrutura orgánica de dicha Subsecretaría, integrada na Presidencia do Goberno, queda definida no Real Decreto 1110/1977 do 20 de maio e determina que o desenvolvemento e a execución das actividades da subsecretaría e os seus organismos autónomos corresponderán ás delegacións provinciais.
O Real Decreto 2258/1977, do 27 de agosto, de estrutura orgánica e funcións do Ministerio de Cultura, crea o organismo autónomo Consello Superior de Deportes baixo a dependencia directa do ministro e asume as funcións atribuídas con anterioridade á Dirección Xeral de Educación Física e Deportes. Finalmente por Real Decreto 2083/1978, do 15 de xullo, sobre estrutura orgánica das Delegacións Provinciais de Deportes, disponse que as mesmas dependerán orgánicamente do Ministerio de Cultura e funcionalmente do Consello Superior de Deportes, quedando como órgano consultivo e de proposta en cada delegación provincial un Consello Provincial de Deportes.
Por último O Real Decreto 2434/1982, do 24 de xullo, sobre traspaso de funcións e servizos do Estado á Comunidade Autónoma de Galicia transfire as competencias de cultura e, dentro delas as de materia deportiva.
Historia archivística
A documentación xerada polas institucións do Movemento Nacional na provincia de Lugo foi custodiada en distintos locais, quedando fragmentada, revolta e dispersa, nalgúns casos como consecuencia de sucesivos traslados. A documentación da Delegación Provincial de Educación Física e Deportes de Lugo conservouse mesturada con aquelas xeradas pola Delegación Provincial da Fronte da Mocidade, Sección Feminina, Instituto da Mocidade e Delegación de Lugo do Colexio Profesional de Profesores de Educación Física e Deportes e que se atopaban depositadas no momento da transferencia na Casa da Mocidade de Lugo, dependente da Delegación Provincial da Consellería de Cultura e Mocidade. Toda esta documentación foi transferida conxuntamente ao Arquivo Histórico Provincial de Lugo o 18 de maio de 1990.
Alcance y contenido
Entre a documentación deste fondo consérvanse actas do Pleno e da Comisión Permanente da Xunta Provincial de Educación Física e Deportes, correspondencia, informes e memorias do Delegado Provincial, plans provinciais de promoción deportiva, de actuación e de formación, expedientes de actividades divulgativas, de cursos de formación de instrutores e organización de campionatos escolares. Os expedientes de actividades deportivas, os de axudas e subvencións para proxectos de actividades deportivas, e os dosieres sobre a celebración dos “Xogos do Cantábrico” e dos “Xogos de Inverno” son relevantes para o coñecemento da actividade deportiva da época, tendo en conta ademais que os “VI Xogos do Cantábrico” celebráronse en Lugo en 1971. Nos expedientes de axudas e subvencións para a construción de instalacións deportivas en toda a provincia consérvanse, en moitos casos, os proxectos destas obras.
Condiciones de acceso
Condiciones de acceso
Descripción condiciones de acceso:
Acceso restrinxido para aquela documentación que conteña datos de carácter persoal cunha antigüidade inferior a 50 anos, segundo o disposto no artigo 57.1 c) da Lei 16/1985, do 25 de xuño, do Patrimonio Histórico e libre acceso para o resto do fondo.
Condiciones de reproducción
Condiciones de reproducción:
A reprodución dos documentos queda condicionada ao estado de conservación.
Lengua:
Spanish; Castilian
Documentación relacionada
Unidades de descripción relacionadas
Unidades de descripción relacionadas: Custódianse neste arquivo varios fondos que poden conter algunha información relacionada e complementaria coa que se describe, entre eles o da Delegación Provincial da Sección Feminina de Lugo e o da Delegación Provincial da Fronte de Mocidade.
Xunta de Galicia. Información mantenida y publicada en internet por la Xunta de Galicia