O 4 de decembro de 1987 foi nomeado polo Reitor da Universidade de Santiago o "Delegado do Reitor para o Campus da Coruña". O 3 de marzo de 1988 foi transformado en "Delegado do Reitor para os Campus da Coruña e Ferrol". Esta delegación do Reitor desapareceu hacia fins de febreiro de 1990. A delegación do Reitor tiña un rexistro xeral da correspondencia, que está composto por dous libros, un de entrada e outro de saída. A correspondencia de entrada abrangue desde o 14 de xaneiro de 1988 ao 27 de marzo de 1990. A de saída desde o 6 de abril de 1988 ata o 25 de abril de 1990. Hai que indicar que despois do cesamento do delegado do Reitor durante unhas semanas continuou rexistrándose correspondencia nos libros de rexistro. A Universidade da Coruña creouse pola Lei 11/1989, do 20 de xullo, de ordenación do sistema universitario de Galicia. A súa entrada efectiva en funcionamento veu determinada polo Decreto 3/1990, de 11 de xaneiro, de segregación de centros e servizos da Universidade de Santiago de Compostela con todos os seus medios materiais e humanos e da súa integración nas novas universidades da Coruña e Vigo. Reitoría:
Nun principio a Reitoría da Universidade da Coruña estivo situada no piso 6º do edificio da rúa de Juana de Vega, 2. Nese piso permaneceu desde primeiros de xaneiro de 1990 ata maio ou xuño de 1992. Desde esa data ata outubro de 1994 estivo no piso 6º do edificio do Cantón Grande, 16. En outubro de 1994 pasou ao edificio da Maestranza. Desde un principio na Reitoría levouse un rexistro xeral da correspondencia. O rexistro de entrada iniciouse o 12 de xaneiro de 1990 e o de saída o 17 do mesmo mes e ano. Xerencia:
A Xerencia da Universidade da Coruña estivo desde xaneiro a abril de 1990 no edificio da rúa de Juana de Vega, 2. En abril de 1990 as unidades de xestión económica e xestión de persoal pasaron á Escola de Estudos Empresariais (ala sur do Centro Universitario de Riazor -CUR-). En xaneiro de 1991 pasaron ao antigo edificio de Facenda sito na rúa Durán Loriga. En xuño de 1993 o servizo de persoal pasou ao piso 4º do edificio do Cantón Grande, 16 mentres que os servizos económicos permaneceron en Durán Loriga. En outubro de 1994 a Xerencia ao completo pasou ao edificio da Maestranza. Ata a súa ubicación definitiva na Maestranza as unidades de xestión económica e xestión de persoal levaron un rexistro de saída da correspondencia, que está composto por oito libros, todos de saída (hai que exceptuar o período de xuño de 1993 a outubro de 1994, durante o cal a correspondencia de saída do servizo de persoal rexistrouse na Reitoría). A correspondencia rexistrada neses libros de saída abrangue desde o 4 de abril de 1990 ata o 11 de outubro de 1994. A entrada da correspondencia dos servizos de xestión económica e xestión de persoal foi rexistrada sempre na Reitoría. Aplicación informática:
Desde xaneiro de 1988 (época do delegado do reitor) ata o 29 de decembro de 1995 o rexistro xeral da correspondencia realizouse mediante anotacións manuscritas. O 2 de xaneiro de 1996 entrou en funcionamento unha aplicación informática de rexistro e deixáronse de facer as anotacións manuscritas.
Fontes: Os propios libros de rexistro e conversas mantidas con persoal que traballaba nos primeiros tempos da Universidade da Coruña.
Data de realización: 19/05/2008
Última revisión: 30/05/2008
Historia archivística
Ata a creación da UDC (1989) os centros docentes de rango universitario radicados na Coruña dependían da Universidade de Santiago de Compostela e transferían o seu fondo documental ao Arquivo Histórico Universitario de Santiago. Desde 2003 a UDC contou co Centro de Documentación e Arquivo (CEDAR), como unidade especializada no arquivo e a xestión documental. Desde 2006, coa localización definitiva do CEDAR no seu actual emprazamento (no Edificio Xoana Capdevielle, situado no Campus de Elviña) os centros, unidades e servizos da UDC efectúan as transferencias documentais ao Arquivo que custodia o patrimonio documental da UDC. Última actualización 05/02/2013
Alcance y contenido
Contén a documentación producida ou recibida pola Universidade da Coruña para a relización daquelas funcións que lle son propias.
Condiciones de acceso
Lengua:
Spanish; Castilian
Galician
Características físicas
Material en el que se registra la información:
Papel
Estado de conservación:
Bo
Documentación relacionada
Existencia y localización de copias
Existencia de copias: No existen copias
Notas
Nota al área de identificación
O campo 1.5 (Volume) deste fondo foi actualizado por última vez o día 07/01/2020.