O 3 de outubro de 1919 constitúese a sociedade anónima "La Terraza", que substitúe a razón social "Feal Hermanos", integrada por Manuel e Ramiro Feal Díaz, para a explotación do quiosco "La Terraza".
Nas dúas primeiras décadas do século XX, a construción de quioscos e pavillóns en zonas de recheo gañadas ao mar nas cidades costeiras constitúe unha das páxinas máis interesantes da historia da arquitectura moderna en Galicia. Na Coruña, xorden nos xardíns de Méndez Nuñez, coñecidos popularmente como "Recheo".
Nun principio foron pequenos postos de venda de bebidas, ligados á actividade portuaria e á construción dos peiraos; pero a partir de 1899 serán substituídos por elegantes quioscos de catro metros de lado para a venda de refrescos e lambetadas que anuncian novos usos do espazo como área de ocio. Mais será a partir de 1912 cando o carácter provisional das instalacións vaia tornando en algo máis duradeiro, ao se estableceren relacións de concesións entre o Concello e os particulares por períodos de tempo máis amplos, ata 20 anos, o que posibilitará un maior investimento e por tanto un maior volume das obras que se ían realizar, que habían incorporar tecnoloxías e linguaxes arquitectónicas novas na paisaxe urbana coruñesa.
Segundo os estatutos aprobados na sesión do 25 de febreiro de 1934, a sociedade anónima mercantil "La Terraza", domiciliada no edificio construído para ela en 1912 polo arquitecto Antonio López Hernández por concesión municipal, tamén chamado "La Terraza", ten por obxecto a explotación do negocio de expender bebidas, refrescos, café e artigos análogos: ou sexa, o que se coñece como café bar restaurante, cunha actividade ampliada a espectáculos públicos de cinematógrafo e calquera outro, ben en xestión directa, ben por medio de arrendamentos totais ou parciais. A sociedade durará o que dure a concesión municipal e as prórrogas que se obteñan.
A administración da sociedade será exercida por un Consello de Administración formado por sete accionistas elixidos por votación nominal na Xunta Xeral. A duración do cargo será de catro anos; o Consello renovarase cada dous anos en quendas de tres e catro. Poden ser reelixidos. O Consello reunirase polo menos unha vez ao mes, e cantas o estime conveniente o presidente ou catro conselleiros. Os acordos do Consello consignaranse nun libro de actas, que serán asinadas por todos os asistentes e redactadas polo secretario.
O Consello está formado por:
presidente
vicepresidente
vogal tesoureiro
vogal vicetesoureiro
vogal secretario
vogal vicesecretario
1º vogal suplente
2º vogal suplente
As xuntas xerais son de dúas clases: ordinarias e extraordinarias.
O ano social comeza o 1 de xaneiro e remata o 31 de decembro. Ao final de cada ano faise un balance e inventario, que se presentarán na xunta xeral ordinaria celebrada antes do primeiro de marzo de cada ano para seren sometidos á aprobación dos accionistas, xunto coa memoria.
Na sesión do 28 de agosto de 1930 lévanse a cabo xestións coa sociedade Sporting Club para a venda do edificio; reunida a Xunta Xeral Extraordinaria o 14 de setembro de 1930, acorda ofrecerlle o edificio ao Sporting Club pola cantidade de 600.000 pesetas. No entanto, segundo recolle a sesión do 2 de outubro de 1930, non se chegou a acordo ningún.
A sesión do 29 de maio de 1937 dá conta da requisa do primeiro andar do edificio pola autoridade militar para o Colexio Dequidt.
Historia archivística
A documentación chegou ao Arquivo mediante unha transferencia irregular: tratouse máis ben dunha recuperación ante unha posible destrución. Nos anos 80 do século XX (aproximadamente no 1989), ante o inminente traslado da sede da delegación, o persoal do ARG achegouse ata o edificio da praza de Pontevedra e recolleu toda a documentación "almacenada" no depósito das caldeiras. Por suposto, sen ningún tipo de clasificación, identificación nin relación. Así, o que nun principio parecía unicamente documentación da Fronte de Xuventudes, abrangue tamén documentos da Sección Feminina, do SEU, da delegación provincial do Ministerio de Cultura, e mesmo da Consellería.
Así, podemos afirmar que estamos ante nove fondos, herdeiros os últimos do primeiro. Serían:
- a documentación da Xefatura Comarcal do Movemento de Betanzos;
- a da Delegación Provincial de Xuventudes;
- a da Sección Feminina;
- a da Delegación Provincial de Asociacións/Familia;
- a Delegación Provincial do Ministerio de Información e Turismo;
- a Delegación Provincial do Ministerio de Educación e Ciencia;
- a Delegación/Dirección Provincial do Ministerio de Cultura;
- a Delegación Provincial da Consellería de Cultura;
- a Delegación Provincial da Consellería de Turismo, Xuventude e Deportes.
A documentación da "Sociedad La Terraza" chegou mesturada con estes fondos, probablemente por compartiren as mesmas instalacións.
Alcance y contenido
A documentación deste fondo custodiada no Arquivo abrangue os anos 1925-1937 e corresponde unicamente a dúas series: Expediente de La Terraza e Libros de actas.
Condiciones de acceso
Condiciones de acceso
Descripción condiciones de acceso:
Acceso libre en xeral.
Normativa:
Trátase de documentación pública de titularidade estatal, xestionada pola Xunta de Galicia. Ao seren depositados no ARG, os documentos que integran o fondo adquiren a condición de bens de interese cultural, tal e como estipulan, respectivamente, os artigos 50 da Lei 8/1995, de 30 de outubro, do patrimonio cultural de Galicia, e o 60 da Lei 16/1985, do 25 de xuño, do patrimonio histórico español. Así, pasan a gozar do réxime de protección que as devanditas normas establecen para estas categorías de bens culturais.
Condiciones de reproducción
Condiciones de reproducción:
A normativa de aplicación é a que segue:
- Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.
- Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lengua:
Spanish; Castilian
Escritura:
Humanista
Características físicas
Estado de conservación:
Bo
Documentación relacionada
Existencia y localización de copias
Existencia de copias: Non existen copias
Unidades de descripción relacionadas
Unidades de descripción relacionadas: Hai series relacionadas no Arquivo Municipal da Coruña
Notas
Nota general
As unidades de instalación están compartidas con outro fondo.
Conta con instrumentos de traballo complementarios (estudos das series identificadas).
Xunta de Galicia. Información mantenida y publicada en internet por la Xunta de Galicia