Natural de Málaga, cursou os seus primeiros estudos na súa cidade natal e en Cádiz. O 20 de abril de 1904 ingresou no corpo pericial de Aduanas e estivo destinado en Rosas (Xirona) e Canfranc (Huesca). En 1908 traballou na Administración de Aduanas de Santa Uxía de Ribeira. Dez anos despois, foi destinado á Coruña, ocupando diversos cargos na Delegación ata finalizar como administrador principal da Aduana. Desempeñou o cargo de concelleiro entre 1938 e 1944, exercendo como tenente de alcalde e alcalde interino durante varias etapas, ocupándose de temas relacionados coa facenda local. Ocupou a presidencia da Deputación coruñesa desde 1950 ata 1961, compaxinando o cargo en numerosas ocasións, xa con carácter accidental e interino, co de Gobernador Civil da provincia. Como representante da Deputación da Coruña foi deputado en Cortes durante a IV, V e case toda a VI lexislatura (desde maio do 1952 a xaneiro de 1961). Como Administrador da Aduana impulsou a construción do actual edificio e destacou a súa colaboración en importantes melloras portuarias; tales como o Pavillón de Viaxeiros, destinado ao embarque e desembarque de pasaxeiros, a habilitación do peirao de Méndez Núñez co tendido de vías de ferrocarril para atracada de transatlánticos e a concesión do Depósito Comercial (onde hoxe está Palexco). Durante a súa permanencia no Concello, saneou o erario municipal, mediante a realización de dúas operacións: recollida da débeda flotante, e conversión e unificación das débedas financeiras. Mentres que como Presidente da Deputación promoveu a terminación e funcionamento do Colexio-Fogar Calvo Sotelo, o restablecemento de Casa Berce de Santiago de Compostela, o Colexio da Milagrosa e a adquisición de terreos para a instalación da Universidade Laboral Cruceiro Baleares en Acea de Ama. Fomentou a cooperación provincial cos municipios e o Plan Extraordinario de Construción de camiños de 1952, así como a reparación e modernización de estradas e camiños provinciais, construción do novo pavillón de C. C. C. da Coruña e Escola de Capataces Agrícolas en Bastiagueiro. Tanto desde o seu posto na Aduana como durante a súa etapa na Deputación Provincial, contribuíu decisivamente á mellora do porto da Coruña. Foi Presidente do Consorcio do Depósito Comercial do Porto e vogal da Junta de Obras del Puerto. Así mesmo, presidiu o Padroado Provincial de Ensino Medio e Profesional (1952) e a Coral Polifónica El Eco. Estaba en posesión dos seguintes recoñecementos: Irmán Maior da Archicofradía do Apostol Santiago; Cabaleiro da Virxe do Pilar e de San Ignacio de Loyola, Medalla de Ouro ao Mérito no Traballo (1954); Gran Cruz do Mérito Civil (1956); Cruz do Mérito Naval de Terceira Clase (1949); Encomendas das Ordes de Alfonso X o Sabio (1960) e Cisneros; Cabaleiro da Orde Militar do Cristo de Portugal (1934); Académico correspondente da Real Academia de Belas Artes A nosa Señora do Rosario desde 1957 e da Real Academia Galega desde abril de 1954; Fillo Adoptivo da Coruña (sesión do 6 de xuño de 1949) e Predilecto da Provincia,...etc. Casado en 1909 con Cristina Lago Gracia ( - 04/08/1957) tivo tres fillas (Catalina (1911, xaneiro, 18, Santa Uxia de Ribeira-1986, A Coruña), Pilar (1916, maio, 13, Santa Uxia de Ribeira- 2000, A Coruña) e Cristina (1918, outubro, 22, A Coruña- 2011, A Coruña)). Cristina Delicado Lago foi funcionaria da Deputación Provincial da Coruña.
Historia archivística
Co falecemento sen descendencia da última filla, Cristina, o seu albacea/contador / partidor, Joaquin Vilas, ofreceu os documentos que se atopaban no domicilio familiar. A documentación chegou ao Arquivo totalmente desorganizada e revolta, tanto a textual como as fotografías. Varios dos títulos e diplomas atopábanse enmarcados.
Alcance y contenido
A pesar de que a documentación estaba totalmente desorganizada e é fragmentaria, o seu interese para o Arquivo estriba no feito de ser testemuño dun período comprendido entre as décadas 40 e 60 do século XX. Merecen ser destacadas as numerosas fotografías de actos institucionais como as referidas ao: II Congreso Sindical Agrario de Galicia (1951), a sesión de apertura das V Cortes Españolas (1955); a homenaxe de funcionarios da Deputación; a inauguración do Fogar Calvo Sotelo (1956), da avenida Afonso Molina (1957) ou da Aduana (inaugurada 21 de maio de 1949); o nomeamento de Fillo adoptivo da Coruña (1962); as visitas do Xefe do Estado e doutros representantes institucionais; ademais de actos no Concello, obras do Estadio de Riazor..etc.
Condiciones de acceso
Condiciones de acceso
Descripción condiciones de acceso:
Consulta libre, só limitada polo estado de conservación da documentación.
Condiciones de reproducción
Condiciones de reproducción:
Suxeito ás taxas e prezos públicos que para reprodución de documentos fixase o Concello.
(Ordenanza reguladora do prezo público por prestación de servizos e utilización de instalacións culturais, educativas e análogas de titularidade municipal.)
Documentación relacionada
Existencia y localización de originales
Localización de originales: Arquivo da Aduana de A Coruña
Localización de originales: Arquivo da Deputación Provincial
Localización de originales: Arquivo do Reino de Galicia- fondo do Goberno Civil.
Localización de originales: Arquivo da Real Academia Galega
Localización de originales: Arquivo da Real Academia de Belas Artes Nuestra Señora del Rosario
Localización de originales: Arquivo das Cortes.
Localización de originales: Colección Pedro Girón Rial
Existencia y localización de copias
Existencia de copias: No existen copias
Unidades de descripción relacionadas
Unidades de descripción relacionadas: Libros de actas de acordos municipais
Unidades de descripción relacionadas: Expedientes de facenda
Notas
Nota general
15 de decembro de 1972, acordo plenario de dar o seu nome a unha rúa.
Nota al área de identificación
Delicado Marañón, Diego (1884, abril, 28, Málaga – 1964, 7, agosto, La Coruña)
Cristina Delicado Lago (1918, octubre, 22, A Coruña, - 2011 , A Coruña)
Nota al área de contenido y estructura
Expediente de solicitude de autorización para nomear fillo adoptivo a Diego Delicado Marañón 1948-1950, c- 996 (21).
Xunta de Galicia. Información mantenida y publicada en internet por la Xunta de Galicia