Poesía de E. Pondal a P. castillo

Enlace persistente

As irmás del Castillo eran tres: Salvadora Sánchez “Dora” cantante de ópera e casada co Fernando Martínez Morás, Pilar, solteira, concertista de piano e María, tamén pianista e casada con José Álvarez Sánchez-Heredero Teniente Coronel de cabaleiria e profesor de equitación. As tres tiñan unha forte vinculación coa música pero a que máis destaca e da que máis trata esta documentación é de Pilar. De carácter nervioso e introvertido custáballe moito relacionarse e os recitais afectábanlle dun xeito tan forte que chegaba autolesionarse. Aínda que era concertista moi afamada e admirada polo público estas dificultades do seu carácter a levaron a abandoar os concertos e dedicarse á docencia, foi profesora no Conservatorio situado en Riego de Agua, na Coruña. Entre os seus alumnos estába Andrés Fernández-Albalat do que tamén era amiga. Vivía en Fontán coa súa irmá Dora e á morte desta encamouse. Ezequiel Castillo, o avó, foi secretario de Sagasta. Enrique Castillo, o pai, foi delineante no Concello da Coruña.

A documentación foi recollida, como recordo familiar, por Fernando Álvarez del Castillo, fillo de María, cando marchou da casa, primeiro a Francia e despois a Barcelona. Conservouna todo este tempo ata a súa doazón a RAG.