Casas da Pena e Buisán

Enlace persistente

A casa da Pena está situada no lugar do mesmo nome, na parroquia de Santa María de Penarrubia (Baralla) e a de Buisán, tamén no lugar de Buisán, parroquia de Santa Eulalia de Quintá de Cancelada (Becerreá). Estes patrimonios únense ao casar Beatriz Santiso de Ulloa, da casa da Pena, con Diego de Ulloa, da de Buisán. Dúas xeracións despois, María Teresa Valcarce Ponce de León, da casa de Cacabelos, casa con Luis Ulloa Santiso. O seu fillo é Ramón de Ulloa Santiso, que á súa vez casa con María Carmen de las Riberas, procedente das casas do Retiro e de Cee. Estes últimos son os pais de Antonio Joaquín de Ulloa Valcarce de las Riberas Suárez de Deza, que herda o bloque de patrimonios vencellados á casa de Bóveda ao falecer Ana Ramona Saavedra Suárez de Deza, marquesa de Viance, sen sucesión.

A documentación chegou mesturado cos restantes fondos deste grupo. Consérvase documentación da xurisdición de Neira de Rei como resultado das funcións que desempeñaron nela varios membros da familia.