Naceu na Coruña en 1885. Estudou no instituto e na Escola de Comercio da Coruña; obtivo os títulos de mestre de primaria e de profesor mercantil. Ampliou estudos en Londres e Oxford cunha bolsa do Estado en 1907. Catedrático numerario de Xeografía Económica na Escola Profesional de Comercio da Coruña.
Fundou e presidiu a Universidade Popular da Coruña.
Comisionado do Comité da Exposición Arqueolóxica de Santiago de Compostela de 1909. Neste certame tamén se premiaron os seus traballos La Junta Superior de Subsidios, Armamento y Defensa del Reino de Galicia; La Primera Diputación Provincial, Única del Reino y Las Alarmas de Galicia.
Membro da Real Academia Galega desde 1926 ata 1937; secretario desde o ano 1927.
Redactor do diario La Voz de Galicia; presidente da Asociación de la Prensa Local e da Federación de Periodistas del Norte y Noroeste de España; presidente da Sociedad Filarmónica; académico e secretario da Academia Galega; secretario da Academia Provincial de Bellas Artes e da Comisión de Monumentos.
Foi autor de traballos como La Junta Superior de Subsidios, Armamento y Defensa del Reino de Galicia : juntas subalternas o comisiones provinciales : la primera diputación, única, de Galicia (1810-1814); La Lengua gallega (1918), La Región gallega (notas geográfico-económicas) e La Toponimia de Galicia / discurso leído [...] por Fernando Martínez Morás y contestación de Eladio Rodríguez González (Discurso de ingreso na RAG en 1926).
Tamén publicou numerosos artigos como “Don Francisco Bermúdez de Sangro”, “Don José Fernández de Neira”, “Don Juan Díaz Porlier”, “Don Luis López Ballesteros”, “Don Martín la Carrera”, “Galicia en las exposiciones”, “Los hallazgos de Bóveda, nuevos descubrimientos”, “La lápida de San Martín de Churío”, “Milton y Galicia”, “Las pintorescas fiestas de Galicia”, “Un santiagués ilustre”. Publicou en revistas como o Boletín de la Real Academia Gallega ou Galicia, revista do centro galego de Montevideo.
Faleceu en 1937 nun accidente de automóbil en León.
Historia arquivística
Os fondos ingresaron de xeito provisional o 25 de xaneiro de 1995, en concepto de doazón efectuada por Carlos Martínez-Barbeito y Morás. Aceptouse a doazón a través do Decreto da Xunta de Galicia 293/1995, do 3 de novembro (DOG. núm. 219, do 15 de novembro de 1995).
Alcance e contido
A pesar de que o fondo abrangue o período 1907-1937, a meirande parte da documentación pertence á súa actividade como conferenciante entre os anos 1925 e 1936 e aos seus traballos de investigación: "Las Alarmas en Galicia", "Historia de las Iglesias de La Coruña" ou "Las primeras diputaciones provinciales gallegas".
Condicións de acceso
Condicións de acceso
Descrición condicións de acceso:
Acceso libre en xeral.
Normativa:
Trátase de documentación pública de titularidade estatal, xestionada pola Xunta de Galicia. Ao ser depositados no ARG, os documentos que integran o fondo adquiren a condición de bens de interese cultural, tal e como estipulan, respectivamente, os artigos 50 da Lei 8/1995, do 30 de outubro, do patrimonio cultural de Galicia, e o 60 da Lei 16/1985, do 25 de xuño, do patrimonio histórico español; pasan a gozar, polo tanto, do réxime de protección que estas normas establecen para as ditas categorías de bens culturais.
Lingua:
Spanish; Castilian
Características físicas
Estado de conservación:
Bo
Documentación relacionada
Existencia e localización de copias
Existencia de copias: Non existen copias
Unidades de descrición relacionadas
Unidades de descrición relacionadas: - Fondo Juan Martínez Morás - Fondo Carlos Martínez-Barbeito Morás - Fondo Andrés Martínez Salazar da Real Academia Galega - Fondo Andrés Martínez Salazar do Arquivo do Reino de Galicia - Fondo Familia Martínez-Morás da Real Academia Galega - Fondo Fernando Martínez Morás da Real Academia Galega
Notas
Nota xeral
- Sistema de organización: Cadro de clasificación baseado nas propostas de GALLEGO DOMÍNGUEZ, Olga. Manual de archivos familiares. Madrid: ANABAD, 1993; e GARCÍA ASER, Rosario, LAFUENTE URIÉN, Aránzazu. Archivos nobiliarios: Cuadro de clasificiación. Sección Nobleza del Archivo Histórico Nacional. Madrid: Ministerio de Educación, Cultura y Deporte, Centro de Publicaciones, 2000.
Xunta de Galicia. Información mantenida y publicada en internet por la Xunta de Galicia