As xerencias territoriais créanse no artigo 13 do Real Decreto 1279/1985, do 24 de xullo, como órganos territoriais periféricos executivos encargados da formación, conservación e revisión dos catastros rústicos e urbanos. Unha orde posterior, do 28 de xullo de 1986, determinou a súa composición e funcionamento. Polo Real decreto 1725/1993, estas xerencias intégranse nas delegacións de Economía e Facenda de cada provincia como unha delegación especial.
Nas provincias onde exista unha Delegación Especial de Economía e Facenda, como é o caso na Coruña, as xerencias teñen carácter rexional (Real decreto 390/1998, do 13 de marzo)
As xerencias rexionais e territoriais dependen da Dirección Xeral do Catastro, que é o centro directivo integrado na Secretaría de Estado de Facenda e Orzamentos do Ministerio de Facenda (Facenda e Función Pública, na data da redacción deste texto – novembro de 2016-), que ten encomendadas as funcións de elaboración, mantemento e xestión do Catastro Inmobiliario Rústico e Urbano.
O Catastro Inmobiliario é un rexistro administrativo no que se describen os bens inmobles rústicos, urbanos e de características especiais. Esta descrición catastral comprende as súas características físicas, económicas e xurídicas, entre as que se atopan a localización e referencia catastral, a superficie, o uso ou destino, a clase de cultivo ou aproveitamento, a calidade das construcións, a representación gráfica, o valor catastral e o titular catastral.
Os documentos recibíronse directamente do seu produtor, a Xerencia Rexional do Catastro.
Alcance e contido
Este conxunto comprende tanto documentos de carácter textual como gráfico ou audiovisual. Entre os primeiros áchanse os libros padróns de rústica e urbana, as denominadas "cédulas de implantación" de rústica e urbana e os libros de polígono. Entre os de carácter gráfico, hai planos de urbana a diferentes escalas. Finalmente, existen fotografías aéreas.
Condicións de acceso
Condicións de acceso
Descrición condicións de acceso:
Acceso restrinxido, de acordo co que se establece no artigo 14, 15 e seguintes da Lei 19/2013 de transparencia, acceso á información pública e bo goberno e o Real decreto lexislativo 1/ 2004, de 5 de marzo, polo que se aproba ol texto refundido da Lei do catastro inmobiliario, no seu Título VI.
Xunta de Galicia. Información mantenida y publicada en internet por la Xunta de Galicia