Unha das medidas adoptadas polo Concilio de Trento para remediar as condutas inapropiadas do clero secular foi a creación de seminarios en todas as dioceses. En Ourense, o bispo Francisco Blanco foi o encargado de levar a cabo o proxecto pero a fundación do seminario auriense retrasouse ata finais do século XVIII. Daquela acordouse que o colexio da Compañía de Xesús na cidade se empregase para instalar nel un seminario. Finalmente este foi creado en 1804 polo bispo Pedro Benito Quevedo e Quintano co nome de Seminario Conciliar de San Fernando. Os seminaristas ocuparon as antigas instalacións dos xesuítas e anos despois o bispo Quevedo ampliou a edificación cunha obra nova. Coa chegada dos franceses o seminario foi ocupado e en 1809 sufriu un incendio. Destinado a cuartel de tropas en distintas ocasións, en 1845 instalouse nunha parte do seminario o Instituto de Segunda Ensinanza. En 1888 coñeceu outra ampliación e nesa zona recén construída ubicouse o seminario maior de Ourense. En 1952 inaugurouse en Vista Fermosa (Erbedelo) o novo seminario maior da cidade, a onde se trasladou tamén a sede do seminario menor ourensán. Na parte baixa desta grandiosa edificación sitúase o Arquivo Histórico Diocesano de Ourense.
Historia arquivística
Non se coñece a procedencia deste fondo nin a súa data de ingreso no arquivo.
Condicións de acceso
Características físicas
Material no que se rexistra a información:
Papel
Xunta de Galicia. Información mantenida y publicada en internet por la Xunta de Galicia