O Decreto do 28 de xaneiro de 1847 crea o "Ministerio de Comercio, Instrución y Obras públicas", cambiando a súa denominación pola de Ministerio de Fomento polo R.D. do 25 de outubro de 1851. O R.D. do 2 de setembro de 1857 creou en cada provincia unha Sección de Fomento, "a las inmediatas órdenes del gobernador", encargada de auxiliar ó gobernador no despacho dos asuntos dependentes de Fomento; desde o punto de vista técnico, existían en cada provincia os Enxeñeiros Xefes de Obras Públicas. Polo Decreto do 14 de agosto de 1893 suprímense as seccións de Fomento, manténdose as Xefaturas Provinciais, entre elas a de Obras Públicas. A nivel central, en 1931 desaparece o Ministerio de Fomento e créase o Ministerio de Obras Públicas, manténdose as Xefaturas a nivel provincial. O D. 1480/1966, do 2 de xuño, crea as Delegacións Provinciais do Ministerio de Obras Públicas, atribuíndolle o carácter de Delegado Provincial a un dos Xefes Provinciais xa existentes (Estradas, Transportes, Augas ou Costas); por este mesmo Decreto, as Xefaturas Provinciais de Obras Públicas pasan a denominarse de "Carreteras". Polo R. D. 2766/1979, do 16 de novembro, as "Jefaturas de Carreteras" constitúen unha División das Delegacións Provinciais de Obras Públicas. A consecuencia das reformas administrativas producidas polas transferencias de competencias ás Comunidades Autónomas, suprimense as Delegacións, ou Direccións Provinciais (R.D. 2680/1985), mentres que para a realización das funcións correspondentes ó Estado en materia de obras públicas se crean, a nivel rexional (O. do 7 de febreiro de 1986) as "Demarcaciones de Costas"e as de "Carreteras", tendo as de Galicia a súa sede na Coruña, aínda que se manteñen as "Unidades de Carreteras" a nivel provincial.
Historia arquivística
A documentación ingresóu no A.H.P. en dúas remesas, a primeira en xullo de 1981 e a segunda en outubro de 2003.
Alcance e contido
A documentación transferida ó A.H.P. é fundamentalmente de carácter técnico: proxectos de conservación, ampliación ou construción de estradas, así como informes técnicos e outros tipos de obras relacionadas. A transferencia de 1981 incluía documentación relativa a todo tipo de estradas da provincia, desde camiños veciñais ata estradas nacionais; non obstante, na de 2003, posterior á transferencia de competencias á Comunidade Autónoma, soamente se remitiu documentación sobre estradas de titularidade estatal, xa que a documentación sobre estradas transferidas pasou á Comunidade Autónoma.
Condicións de acceso
Condicións de acceso
Descrición condicións de acceso:
Acceso libre, agás as restricións contempladas no artigo 57.1c), da Lei 16/1985, do 25 de xuño, do Patrimonio Histórico Español.
Condicións de reprodución
Condicións de reprodución:
Limítase a reprodución dos documentos que se atopen en mal estado de conservación ou non poidan ser obxecto de consulta segundo a normativa de acceso.
Lingua:
Spanish; Castilian
Características físicas
Material no que se rexistra a información:
Papel
Estado de conservación:
Bo
Descrición do estado de conservación:
O estado de conservación é bastante bo, aínda que algúns planos poden presentar problemas debido ás marcas das dobreces.
Documentación relacionada
Existencia e localización de copias
Existencia de copias: No existen copias
Unidades de descrición relacionadas
Unidades de descrición relacionadas: O Servizo Provincial de Estradas da Delegación Provincial da Consellería de Política Territorial, Obras públicas e Vivenda conserva a documentación relativa ás estradas transferidas á Comunidade Autónoma.
Xunta de Galicia. Información mantenida y publicada en internet por la Xunta de Galicia