Xunta Provincial de Protección da Muller de Pontevedra

Referencia

• ES.GA.36038.AHPPO/1.3.2.10.2.

Título

• Xunta Provincial de Protección da Muller de Pontevedra

Data de creación

• 1905 / 1986

Nivel de descrición

• Fondo

Volume e soporte da unidade de descrición

• 18 Unidade(s) de instalación

• Xunta Provincial de Protección da Muller de Pontevedra (España) ‌

Historia institucional/Reseña biográfica

• O Padroado Real para a represión da trata de brancas, chamado posteriormente Padroado de Protección á Muller, créase en 1902, organizándose despois polo Decreto do 6 de novembro de 1941, mediante xuntas locais e provinciais e dependendo do Ministerio de Xustiza. A súa finalidade era a de dignificar moralmente a muller, impedir a súa explotación, apartándoas do vicio e educalas seguindo as ensinanzas da relixión católica. A Xunta Provincial de Pontevedra constitúese o 19 de febreiro de 1943, sendo o seu presidente o gobernador civil e os seus membros designados polo Ministerio de Xustiza. Co traspaso de transferencias destas competencias á Xunta, en xeral, as súas funcións de protección e defensa do menor son asumidas nos anos oitenta pola Consellería de Traballo e Servizos Sociais, estando actualmente exercidas a defensa, a protección e o desenvolvemento da muller pola Consellería de Familia, Xuventude Deporte e Voluntariado.

Historia arquivística

• A documentación sobre este fondo transfiriuse a este Arquivo desde a Delegación Provincial da Consellería de Traballo e Servizos Sociais, con sede en Vigo, no ano 1993 pero, por mor das obras de remodelación do edificio do arquivo, a súa intervención arquivística pospúxose ata 1994. A documentación chegou en bo estado xunto coa da Xunta Provincial de Protección de Menores, posto que as súas competencias foron transferidas de vez á Xunta de Galicia e asumidas pola Consellería de Traballo e Servizos Sociais.

Alcance e contido

• De volume documental escaso, a maior parte das súas series preséntanse de forma fragmentaria. Contén documentación económica, de correspondencia, información sobre os centros dependentes e, principalmente, expedientes persoais e de vixilancia tutelar. Algúns documentos, tras a súa transferencia á Xunta de Galicia recóllense baixo o epígrafe "Sección de Protección do Menor e da Muller", polo que tamén existe información relativa á "Xunta Provincial de Protección do Menor". As caixas teñen unha ordenación provisional numérica.

Condicións de acceso

Descrición condicións de acceso:

• Acceso libre, agás as restricións contempladas no art. 51.1 c) da Lei 16/1985, do 25 de xuño, do patrimonio histórico español.

Condicións de reprodución

Condicións de reprodución:

• Limítase a reprodución dos documentos que se atopen en mal estado de conservación ou non poidan ser obxecto de consulta segundo a normativa de acceso.

Lingua:

• Spanish; Castilian

Existencia e localización de copias

• Existencia de copias: No existen copias
  

Descritores xeográficos

• Pontevedra (España) ‌

Descritores de materia

• Franquismo ‌
• Movemento Nacional (España) ‌
• Mulleres ‌