Xunta Provincial de Protección de Menores de Pontevedra
Data de creación
1928-01-01 / 1989-12-31. 1928 a 1989
Nivel de descrición
Fondo
Volume e soporte da unidade de descrición
160 Unidade(s) de instalación
Historia e alcance
Historia institucional/Reseña biográfica
En 1904 regulaméntase, a nivel nacional a Obra de Protección de Menores co fin de facer fronte ós problemas dos menores abandonados e/ou desatendidos e con condutas sociais delictivas, dirixida desde o Ministerio de Xustiza polo Consello Superior de Protección de Menores, constituíndo unha das súas seccións a de Asistencia Social, que desenvolvía as súas tarefas a través das Xuntas de Protección de Menores.
Leis posteriores aproban o texto refundido da lexislación de menores (Decreto do 2 de xullo de 1948) e modifican algúns dos seus artígos (Decreto 1480/1968, do 11 de xullo) concretándose a protección e especialmente a tutela de menores en: control sobre as amas de cría, coidado sobre a mendicidade e o traballo infantil, auxilio e asistencia ás nais, mellora das institucións de recollida e educación de nenos necesitados e fomento/creación de escolas.
En 1948 o seu presidente nato é o gobernador civil, pero o efectivo é o presidente da Audiencia.
Co traspaso de transferencias destas competencias á Xunta, en xeral, as súas funcións de protección e defensa do menor son asumidas en 1986 pola Consellería de Traballo e Servizos Sociais, estando actualmente exercidas pola Consellería de Familia, Xuventude, Deporte e Voluntariado.
Historia arquivística
A documentación sobre este fondo transferiuse a este Arquivo desde a Delegación Provincial da Consellería de Traballo e Servizos Sociais, con sede en Vigo, no ano 1993 pero, debido a obras de remodelación do edificio do arquivo, a súa intervención arquivística pospúxose ata 1994. Chegou en bo estado, na súa maior parte en caixas de tamaño diverso.
Alcance e contido
O maior volume de documentación está formado polos "Expedientes de protección de menores" de toda a provincia, aparecendo ordenanos numericamente. Neles faise un seguimento do menor protexido, desde a solicitude (por parte dos seus familiares, o Tribunal Tutelar de Menores ou algunha outra institución) de acollemento pola Xunta e o seu paso polas súas residencias dependentes, ata que os menores deixan de estar vinculados a ela, ben porque volven cos seus familiares, ben porque alcanzan a idade máxima permitida. En relación con estes expedientes, está a correspondencia entre a Xunta Provincial e os distintos colexios/residencias que acollen a menores, recibindo por iso unha subvención, así como as contas de gastos enviadas por estes colexios/residencias. É significativo o volume de documentos contables da Xunta Provincial.
Existe, ademais, documentación específica sobre a Xunta Local de Protección de Menores de Vigo.
Por outro lado, hai documentos, principalmente tras a asunción destas competencias por parte da Xunta de Galicia, englobados como "Sección de Protección ó Menor e á Muller", correspondentes ó fondo da Xunta Provincial de Protección á Muller, que completa esta documentación.
Aparecen series continuadas desde os anos 40 ata 1988.
As caixas presentan unha ordenación numérica provisional.
Condicións de acceso
Condicións de acceso
Descrición condicións de acceso:
Acceso libre, agás as restricións contempladas no art. 51.1 c) da Lei 16/1985, do 25 de xuño, do patrimonio histórico español.
Condicións de reprodución
Condicións de reprodución:
Limítase a reprodución dos documentos que se atopen en mal estado de conservación ou non poidan ser obxecto de consulta segundo a normativa de acceso.
Lingua:
Spanish; Castilian
Documentación relacionada
Existencia e localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia