Parroquia do actual concello de Santiago de Compostela, situada "intramuros " da cidade, que comprendía zonas como Amio e Ponte de San Lázaro.
O cardeal del Hoyo afirmaba que a fábrica parroquial tiña de renda dúas cargas de trigo que deixara Sabela Vázquez e que pagaba Xoán Picado. Tamén nos di que "los diezmos personales lleva el rector; las primicias y diezmos menudos y ofrendas de difuntos las parte con el cardenal Condal. Los diezmos de pan lleva el Cabild o y el monasterio de San Martín".
Desde os primeiros rexistros sacramentais semella que o mesmo rector atendía as parroquias de San Fiz de Solovio e Santa María Salomé de Santiago de Compostela.
A explicación sería a unión que no ano 1578 realizou o Arcebispo Francisco Blanco de varias parroquias de Compostela por mor da anterior peste que despoboara a cidade e minguara as rendas e congruas parroquiais: porén anexionou as parroquias de San Fiz e Santa María Salomé; as de San Miguel e San Xoán Apóstolo; e as de San Bieito e Santa María do Camiño. Tal e como xa estaban as de San Froitoso, Santa Susana e San Xoán Bautista. A noticia destas unións dánola A. López Ferreiro (Historia de la S. A. M. Iglesia de Santiago de Compostela, T. VIII, páx. 272).
Documentación relacionada
Existencia e localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia