[Reflexiones que la Academia de Agricultura de Galicia pide a sus miembros sobre el cultivo de los montes: 1º modo de cultivarlos, 2º medios de conseguirlo sin perjuicio de pastos y leña, 3º vencer las objeciones por medio de Ordenanza de Comunes]
José Andrés Cornide (proveniente de Cornide de Folgueira e Saavedra, señor de Cebreiro, de Madiz e de Saa (A Coruña, 25 de abril de 1734 - Madrid, 22 de febreiro de 1803), foi un xeógrafo, naturalista e humanista español. Foi un dos máis coñecidos membros da Ilustración en Galicia.
De orixe fidalga, estudou Humanidades na Universidade de Santiago de Compostela. Foi rexedor da cidade da Coruña, fundador da Sociedade Económica de Santiago, fundador da Academia de Agricultura do Reino de Galicia e primeiro secretario perpetuo da Real Academia da Historia (1802-1803) entre outros. Ao longo da súa vida realizou completos estudos sobre a historia, a xeografía e a economía, fundamentalmente de Galicia.
Elaborou gran cantidade de mapas, entre os que destacan os da diocese de Ourense e da de Mondoñedo. Realizou numerosas crónicas de viaxes, como Viaxe desde Coruña á Corte, ademais de cultivar a literatura, tanto en castelán como en galego, lingua na que escribiu notables poemas.