Compañía Arrendataria de Tabacos. Fábrica de la Coruña....

Ligazón persistente

Compañía Arrendataria de Tabacos. Fábrica de la Coruña. Proyecto de reforma de talleres. Taller para la obtención de picaduras al cuadrado.

En coordinación coas seccións de produción e organización e coas unidades de maquinaria e instalacións do departamento de enxeñería e proxectos das oficinas centrais, estuda e realiza o seguimento dos plans anuais de investimentos industriais na súa dependencia. Elabora os estudos previos a todo proxecto que lle sexa encomendado e confecciona as especificacións técnicas, o prego de condicións, as análises de ofertas, etc., así como as xustificacións técnicas e económicas de todo o investimento industrial mais a proposta de aprobación. Realizará, se a instalación o requirir, o proxecto correspondente, que despois do visado no colexio profesional, será dado de alta no organismo competente. Unha vez que o orzamento está autorizado, responsabilízase do seguimento das diferentes fases: fabricación, montaxe, posta en marcha, recepción das instalacións e entrega ás seccións de produción e organización da fábrica; tamén controla que estas cumpran os supostos en que se basearon os estudos técnicos e de rendibilidade considerados no investimento. Encárgase de cumprir as regulamentacións oficiais esixidas para as instalacións industriais, ademais das relacións cos organismos ministeriais e autonómicos correspondentes. Depende directamente do director da fábrica.

A meirande parte da documentación estaba depositada no faiado do edificio principal da fábrica, en andeis metálicos onde aparecía indicado o nome de diferentes departamentos. A documentación restante estaba situada en varios despachos, principalmente no de dirección. A única mención que atopamos sobre a súa organización figura nunha carta do 6 maio de 2002 dirixida ao director da Fundación ALTADIS polo director da fábrica, Javier Otiz de Urbina. Nela comentábase que a documentación estaba instalada en arquivadores etiquetados por datas, pero sen mencionar ningún tipo de organización. Sabemos por unha carta do 16 de abril de 1955 da desaparición de gran parte da documentación anterior a 1921. Nesta carta autorízase a destrución de documentación anterior a esta data e anúnciase que proximamente se realizará o mesmo coa documentación anterior a 1945. Tamén hai que ter en conta as perdas que puideron ocasionar incendios importantes que se produciron na fábrica, como por exemplo o de 1896 ou o de 1920.

A documentación é de libre acceso para os cidadáns en xeral. Determinadas series están afectadas por limitacións no acceso, conforme as condicións xerais da lei. O artigo 105.b da Constitución establéceas de forma xenérica e o artigo 57.1 da Lei de patrimonio histórico español sinala as regras que rexen as consultas. Haberá consulta restrinxida no caso de que o seu contido afecte a seguridade ou defensa do Estado, a pescuda dos delitos ou a intimidade das persoas.

Ao estar depositados no ARG, os documentos adquiren a condición de bens de interese cultural (art. 50 de la Lei 8/1995, do 30 de outubro, do patrimonio cultural de Galicia, e 60 da Lei 16/1985, do 25 de xuño, do patrimonio histórico español), e pasan a gozar así do réxime de protección establecido nas normas.

A reprodución da documentación deste fondo está suxeita ás seguintes disposicións: - Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia. - Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.

- Real decreto lexislativo 1/1996, do 12 de abril, polo que se aproba o texto refundido da Lei de propiedade intelectual, regularizando, aclarando e harmonizando as disposicións legais vixentes. Atinxe, entre outros, a: Artigo 10. Obras e títulos orixinais f) Os proxectos, planos, maquetas e deseños de obras arquitectónicas e de enxeñería. g) Os gráficos, mapas e deseños relativos á topografía, á xeografía e, en xeral, á ciencia. h) As obras fotográficas e as expresadas por procedemento análogo á fotografía - Real decreto 1825/1998, do 28 de agosto, sobre traspaso de funcións e servizos da Administración do Estado á Comunidade Autónoma de Galicia en materia de execución da lexislación sobre propiedade intelectual. - Decreto 60/1999, do 11 de marzo, de asunción das funcións e servizos transferidos á Comunidade Autónoma de Galicia, mediante Real decreto 1825/1998, do 28 de agosto, en materia de execución da lexislación sobre propiedade intelectual e a súa asignación á Consellería de Cultura, Comunicación Social e Turismo.

Localización de orixinais: Arquivo do Reino de Galicia Arquivo de Tabacalera S.A. que se custodia no Arquivo Xeral da Administración de Alcalá de Henares.

Unidades de descrición relacionadas: No arquivo atopamos información complementaria nos seguintes fondos: Real Audiencia de Galicia. 14 preitos e/ou causas relacionados coa renda do tabaco. Real Intendencia de Galicia. As caixas 46507 e 46508 conteñen un expediente gobernativo imprescindible para coñecer as súas orixes. Goberno Civil da provincia da Coruña. Podemos atopar información en diferentes seccións e subseccións deste fondo. Por exemplo, en canto ás asociacións, movementos sindicais, etc.