O tribunal que é recoñecido oficialmente como Audiencia Real cara ao 1514 exercerá, a través das súas salas ou en pleno, as competencias de carácter gobernativo e xudicial que as normas da Coroa lle outorgan e as sucesivas ordenanzas lle recoñecen.
Historia arquivística
Ata o ano 1775, cando se crea o que constituíu o núcleo fundador do Arquivo do Reino de Galicia, o fondo documental da Real Audiencia custodiouse en diferentes lugares. Así, sobre cada escribanía de asento recaía a responsabilidade inicial da custodia das series documentais produto das súas actividades, mentres que por diversos testemuños sabemos que xa en datas temperás existía un local, que funcionaría como arquivo central do organismo, no convento de Santo Domingo da Coruña, onde sufriría os efectos da ocupación e queima do edificio por parte do exército inglés durante o sitio de 1589. Noutros momentos, o fondo documental —ou fraccións del— gardouse en diferentes institucións coruñesas, como o Convento de San Francisco, o Hospital do Bo Suceso e mesmo nas propias casas dos escribáns. Nuns e noutros locais, as condicións de conservación non eran sempre as máis axeitadas, tal e como evidencian certos testemuños que se refiren a algún deles como "bódega húmeda y mal acondicionada”.
Alcance e contido
Extraídos sete pergamiños:
Pedro Bugueirate, da rúa do Preguntoiro, e a súa muller Teresa González venden a María Gansa, monxa en Santa María de Conxo, os bens que posúen nas vilas de Torrente, Morgade, Vila Xane, Rial, unhas herdades en Santa Marta e as leiras de Pumar, Franco e a metade do muíño de Ponte Canido. Data: 1341-[s.m.]-07. Signatura: 51. Colección de documentos en pergamiño.
María Domínguez, chamada Fresca, deixa en testamento ao mosteiro de Santa María de Conxo os bens que posúe en Rial e Torrente. Data: 1362-05-19. [Santiago de Compostela]. Signatura: 52. Colección de documentos en pergamiño.
María Domínguez fai manda testamentaria pola que nomea albaceas ao seu sobriño Afonso Eanes, monxe de San Paio de Antealtares, e ao seu afillado Gonzalo Miguel, coengo en Santa María de Sar, e ordena o seu enterramento en Santa Susana. Data: 1361-04-18. Signatura: 528. Colección de documentos en pergamiño.
O mosteiro de Santa María de Conxo afora a [María Ares] o lugar de Rial. Data: 1473. Signatura: 1116. Colección de documentos en pergamiño.
María e Dominga Pérez, irmáns, venden a Pedro Martín, capelán de Santa María de Conxo, no nome do mosteiro, a terceira parte dunha herdade na aldea do Rial na freguesía do mosteiro. Ano 1333. Sig. 50
Mayor Pérez de Conxo e o seu marido venden aos irmáns dela as herdades que posúen no Rial e na freguesía de Santa María de Conxo por sesenta soldos de León. 1251, xaneiro, 23. [s.l.]. Sig. 507
María de San Juan, moradora en Cornes, vende a Pedro Martínez, capelán de Coiro que actúa en nome de Sancha Pérez, as herdades que ten en Rial, Torrente e a de Santa María de Coiro por once libras pequenas. Ano 1333. Sig. 851
Condicións de acceso
Condicións de acceso
Descrición condicións de acceso:
Acceso libre. Consulta limitada para aqueles documentos que se achen en mal estado de conservación
Condicións de reprodución
Condicións de reprodución:
A reprodución da documentación deste fondo está suxeita ás seguintes disposicións: o Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia; a Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lingua:
Spanish; Castilian
Características físicas
Descrición do estado de conservación:
Unha parte do fondo áchase en mal estado debido ás pésimas condicións de instalación que durante séculos sufriron os documentos.
1. Título: a organización tradicional do fondo da Real Audiencia de Galicia, onde o último degraño de clasificación estaba constituído polas chamadas "series", agrupacións de documentos en función da categoría xurídica dos demandantes ou formadas con criterios temáticos; a non sempre nidia separación entre os procedementos gobernativos e xudiciais e, dentro destes últimos, entre os propiamente civís e os de índole criminal, e a conseguinte dificultade que hoxe entraña a identificación con criterios actuais de diferentes series documentais de carácter tipolóxico, explican a necesidade de outorgar, no estado actual dos nosos coñecementos, unha denominación tan ampla a este conxunto documental.
2. Extensión e soporte da unidade de descrición (cantidades, volume ou tamaño: trátase dunha estimación.