Unións comarcais

Ligazón persistente

A partir do I Congreso de UGT-Galicia, en outubro de 1979, o sindicato decide organizarse por comarcas. Deste xeito as Unións provinciais ou locais foron transformándose en comarcais. As Unións Comarcais son as encargadas de coordinar a actuación das organizacións sindicais existentes na súa demarcación, baixo as orientacións da CE de UGT-Galicia. Ten órganos rectores propios elixidos nos seus respectivos congresos e representación no Comité e no Congreso de UGT-Galicia. Se foron producindo variacións ó longo dos anos, sendo 18 comarcas no II Congreso, 23 no III Congreso, ata as 15 do VIII Congreso. A partir do 2012, empezan a crearse estruturas intercomarcais, ou do 2015, co retorno a estrutura provincial nalgunha provincia. Durante a maior parte do tempo a estrutura comarcal estivo composta polas comarcas de: A Coruña, Ferrol, Compostela, Barbanza, Cee, Lugo, Costa Lucense, Lemos, Ourense, Verín, Valdeorras, Pontevedra, Vigo, Arousa, Deza.

A documentación das Unións Comarcais, comeza a producirse coa aparición destas a partir de 1979. A xestión da mesma, como no resto da documentación producida en Galicia polos órganos de UGT, corresponde á Fundación Luís Tilve

Os usuarios poderán ter acceso a documentación sempre que sexa por razóns xustificadas, como a investigación. Así o recolle a Lei de Patrimonio Histórico Español no artigo 52.3 onde di que se "habrá de permitir el estudio por los investigadores, previa solicitud razonada de estos". Sen embargo, estará restrinxido o acceso á documentación actual, aínda en vigor e por tanto de carácter privado e persoal, non histórico. A súa vez poderá acceder a documentación sen restrición algunha o persoal da institución xeradora, sempre que o funcionamento da mesma o requira. Ó tratarse de documentos que conteñen datos de carácter persoal, que poden afectar a súa intimidade, seguridade, honor e imaxe, a súa consulta será posible mediante consentimento expreso das persoas afectadas, ou transcorridos vinte e cinco anos dende a súa morte.

Ley 16/1985, de 25 de junio, del Patrimonio Histórico Español. Ley Orgánica 15/1999, de 13 de diciembre, de Protección de Datos de Carácter Personal. Lei 7/2014, de 26 de setembro, de arquivos e documentos de Galicia.

A reprodución dos documentos de UGT requirirá a expresa autorización do propietario, ó tratarse de documentación dunha entidade privada, cando esta aínda non tivera perdido completamente o seu valor administrativo ou non transcorreran trinta anos. As solicitudes de copias realizaranse por escrito e serán atendidas sempre e cando o Arquivo dispoña dos medios técnicos e humanos adecuados para a súa realización, agás cando por medidas preventivas de conservación ou por limitacións legais non poida facerse, estando sempre suxeitas ás taxas e prezos que para a reprodución de documentos ten fixado o Arquivo Histórico do Movemento Obreiro da Fundación Luís Tilve no seu Regulamento interno.

Os documentos xerados pola anteriores Unións provinciais e locais e, no seu caso, nas provinciais ou intercomarcais creadas con posterioridade, se incluen nas unións comarcais, na súa respectiva capitalidade. Por exemplo: a documentación da Unión Provincial de A Coruña, ou da Unión Local de A Coruña, ou da Unión Intercomarcal de A Coruña e Cee, se inclúe na Unión Comarcal de A Coruña.