Castillo López, Á.

Ligazón persistente

En negrita las ramas con unidades físicas

Naceu na Coruña o 24 de xaneiro de 1885 e morreu o 14 de marzo de 1961. Perito, profesor mercantil e mestre nacional. No 1926 foi premio extraordinario de licenciatura en Filosofía e Letras pola Universidade de Santiago. Entre os moitos postos que desmpeñou destacan o de Director do "Museo de Bellas Artes", Arquiveiro Bibliotecario do concello coruñés, Presidente da Comisión provincial de Monumentos e o exercicio, durante a República, do cargo de Gobernador civil na provincia de Pontevedra (1932-1934). Historiador, conferenciante, membro de numerosas academias (Real Academia Galega, Real Academia de Bellas Artes da Coruña, do Seminario de Estudos Galegos, correspondente das "Reales Academias de San Fernando" e da de Historia, da Asociación de Arqueólogos portugueses, do Deusches Achäelogisches Institut...) e doutras moitas entidades científicas. Dende 1946 foi Cronista Oficial desta cidade, ademais de poseer numerosas distincións. Participou activamente na organización de importantes exposicións dentro e fóra de Galicia, ademais de formar parte de congresos e coloquios. As súas publicacions céntranse fundamentalmente no campo da prehistoria, arqueoloxía, arte e historia de Galicia e, especialmente, da de Coruña.

O arquivo de Angel del Castillo foi dividido e vendido polos seus propietarios, en diferentes momentos, ao longo de varios anos. A sua fragmentación explica que a documentación esté en distintas institucións galegas e en coleccións .

A documentación que se custodia pode considerarse testemuña do labor deste erudito coruñés. Trátase de documentos referentes á organización da Primeira (agosto-setembro de 1912) e a Terceira (agosto de 1923) exposición de Arte. Ángel del Castillo era membro do Comité executivo da "Exposición de Arte gallego" de 1923. Aporta tamén datos significativos para o estudo da historia da arte en Galicia, dos artistas e das súas obras. As fotografías son retratos familiares, vistas da cidade e arredores; e imaxes do estadio de Riazor (positivos- Partido Internacional España-Portugal, 1945)

A maior parte dos documentos son de libre acceso. Só se restrinxe o acceso naqueles documentos que están afectados polos supostos legais establecidos no artigo 105-b da Constitución (averiguación dos delitos, intimidade das persoas e seguridade do Estado). Por iso, nalgunhas series esta limitación se establece en 1965 e noutras en 1900. Tamén, de xeito excepcional, en determinadas unidades de instalación pode restrinxirse o acceso segundo o estado de conservación dos documentos.

Está suxeita ás taxas e prezos públicos fixados o 14 de setembro de 1995 polo Concello na súa Ordenanza nº 32, reguladora do prezo público por prestación de servizos e utilización de instalacións culturais, educativas e análogas de titularidade municipal.

Os negativos fotográficos é necesario positivalos, a maioría presentan óxido, redución e suciedade e algún perda de imaxe (dous vidros rotos)

Localización de orixinais: Existe documentación do arquivo de Angel del Castillo no Museo de Pontevedra, no Arquivo do Reino de Galicia, na Real Academia Galega e en coleccións privadas.

Unidades de descrición relacionadas: Como complemento deste fondo atópase a documentación do arquivo de xestión do propio Arquivo municipal da época correspondente á súa etapa de arquiveiro-bibliotecario municipal