Escritura de doazón de Roi García, morador en Fonxe,...

Referencia

• ES.GA.15030.ARG/2.1.2.13.3.3.1.9.1.//1198 - 1

Signatura:

• 1198

Título

• Escritura de doazón de Roi García, morador en Fonxe, Santa María de Arzúa, a favor de Fernán de Remisille, o seu sobriño, das súas propiedades no lugar de Remisil.

Data de creación

• 1435-04-03 / Fonxe (Santa María de Arzúa, A Coruña)

Nivel de descrición

• Documento

Volume e soporte da unidade de descrición

• 1 Documento(s)
• 1 Pergameo(s)

• Remisil Novoa, familia ‌

Historia institucional/Reseña biográfica

• A casa de Remesil ou, máis frecuentemente na documentación, “Remisil”, procede da freguesía de San Cristovo de Dombodán, no municipio de Arzúa. Segundo o libro "Torres, Pazos y Linajes de la provincia de La Coruña", de Martínez Barbeito, Rui González de Remesille realizou doazón da casa, en 1435, ao seu fillo Fernán de Remisille. Pai e fillo eran escudeiros. Fernán realizou testamento en 1487 e casou con Inés de Moura. Teñen por fillo a García de Remisil I, que non sucede o seu pai, senón que o fará o seu neto, Fernán de Remisil, o Vello, casado con María Rodríguez de Pazos. Este xa tiña fundada a capela de San Sebastián, inclusa na da Nosa Señora do Viso (Dombodán) no primeiro cuarto do século XVI. Seguiu a liña García de Remisil II, que asinou testamento en 1556. Tivo dous fillos naturais con Inés Raposa e casou con Catalina Novoa y Lema, morta antes de 1586. Esta pertencía á Casa de Riazón, en San Pedro de San Román, e casou en segundas nupcias con Nuño Yáñez de Boado. O seu fillo, Fernando de Remisil y Novoa, o Mozo, vinculou o lugar de Remesil á capela do Viso en 1602. Casou con Catalina de Andrade y Seixas, descendente dos señores de Andrade e dos de San Pedro de Narla. Seguiu a liña o seu fillo Gregorio de Novoa y Andrade, que parece que refundou o vínculo xunto coa súa muller, Antonia Sánchez Somoza, en 1647. Testou en 1650. Ademais da capela do Viso, tiña o padroado de Santa Locaia de Branzá. Era irmán de Fernán Gómez das Seixas, comisario do Santo Oficio e reitor de San Pedro de Salgueiros e outras igrexas. Este morreu sen testar sobre o ano 1646, o que ocasionou moitos preitos e desavinzas entre os irmáns. O seu fillo, Gabriel de Novoa y Somoza, casou en primeiras nupcias con Constanza Pardo de Andrade e en segundas con Josefa Villamarín y Deza. Asinou testamento en 1686. Constanza agregou os seus bens dotais e gananciais, herdados do seu irmán, Pedro Pardo de Andrade, cóengo de Santiago, ao vínculo de Remisil. Sucedeuna a filla do seu segundo matrimonio, Josefa de Novoa y Villamarín, que casou con Francisco Antonio Mosquera, dono da Casa de Saa, co que se integran ambas. A súa filla, Josefa Mosquera y Novoa, casou con Francisco Nicolás de la Torre. Era señor da casa santiaguesa dos Torre e posuía, entre outras, a casa soar de Santiago e o pazo de Vista Alegre na Ponte Ulla.

Historia arquivística

• Antes de ingresar no Arquivo do Reino de Galicia, este fondo estivo depositado no pazo de Brandeso (municipio de Arzúa) e logo en Torre Xunqueiras. Organizábase como amosan os catálogos, instalado en mazos e con numeración dentro de cada un. É posible que se organizase entre os séculos XVIII e XIX, aínda que nos consta que, para a casa de Remesil, un dos seus membros, Gabriel de Novoa Villamarín, que viviu no século XVII, empregou parte do seu tempo na descrición e posible organización do arquivo, xa que algunhas portadas dos documentos desta casa están escritas pola súa man. Despois esta organización desaparece e en ocasións a documentación mestúrase en grandes agrupacións. No seu tempo tamén debeu de existir unha peza habilitada para acoller a documentación; pero antes do seu traslado a Torre Xunqueiras, atopábase en diferentes habitáculos e polo xeral, en deficiente estado de conservación, xa que entre outros problemas, dado o abandono do pazo nos últimos tempos, sufriu asolagamentos.

Alcance e contido

• De Roi González a Fernán de Remesille, propiedades no lugar de Remesil, en San Cristovo de Dombodán

Condicións de acceso

Descrición condicións de acceso:

• Acceso libre en xeral. Determinadas series están afectadas por limitacións no acceso, de acordo coas condicións xerais da lei.

Normativa:

• Trátase de documentación pública de titularidade estatal xestionada pola Xunta de Galicia. Ao seren depositados no Arquivo do Reino de Galicia, os documentos que integran o fondo adquiren a condición de bens de interese cultural, tal e como estipulan, respectivamente, os artigos 50 da Lei 8/1995, do 30 de outubro, do patrimonio cultural de Galicia; e o 60 da Lei 16/1985, do 25 de xuño, do patrimonio histórico español. Así, pasan a gozar do réxime de protección que as devanditas normas establecen para estas categorías de bens culturais.

Condicións de reprodución

Condicións de reprodución:

• A normativa de aplicación é a que segue: - Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia. - Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.

Dereitos de Autor

Situación de Dereitos de Autor:

• Os deseños que forman parte do fondo son obxecto de propiedade intelectual por parte dos seus autores cando se teña constancia deste dato (art. 1, 4, 14 do Real decreto lexislativo 1/1996, do 12 de abril, de aprobación do texto refundido de propiedade intelectual)

Lingua:

• Galician

Escritura:

• Precortesana

Características físicas

Material no que se rexistra a información:

• Pergameo

Estado de conservación:

• Bo

Descrición do estado de conservación:

• 23 x 29 mm

Existencia e localización de orixinais

• Localización de orixinais: Arquivo do Reino de Galicia
  

Existencia e localización de copias

• Existencia de copias: No existen copias
  

Unidades de descrición relacionadas

• Unidades de descrición relacionadas: Existe documentación complementaria no fondo da Real Audiencia do Arquivo do Reino de Galicia. Tamén dentro deste mesmo Arquivo pódese consultar, para cando entra a familia Gasset nesta liñaxe, o fondo familiar de Torre Xunqueiras. Finalmente, outros arquivos, fundamentalmente familiares, cos que estivesen relacionados.
  

Nota xeral

• Inclúe transcición