Quiñones Robles, A.

Enlace persistente

Antonio Quiñones Robles era fillo de Adriano Quiñones de Armesto, Samoeiro na novela de Pérez Lugin La casa da Troya, e de dona Pilar Robles Rodríguez. Estudou na Academia de Intendencia en Ávila entre os anos 1920 ao 1922.Tras a súa participación nas guerras de Marrocos e Civil, desempeñou diferentes postos ata que o 28 de xullo de 1941 foi nomeado Comisario de Recursos da Zona 8ª (A Coruña), cargo que ocupou ata o 22 de xaneiro de 1944, día en que tomo posesión da praza de Comisario de Recursos Adxunto do Director Técnico de Abastecementos e Transportes ata o 3 de xuño do mesmo ano. O 23 de xuño de 1944 nomeóuselle Axudante de Campo do Intendente do Exército, pasando á situación de reserva en setembro de 1953; adquiriu o rango de tenente coronel honorífico en 1955. Licenciado en Dereito pola Universidade de Salamanca en 1957.

Os documentos encontrábanse en poder da súa viúva na súa casa da rúa Médico Rodíguez, n.º 5.

O fondo, aínda que fragmentario, é fonte documental para o estudo dos inicios e funcionamento da Comisaria de Recursos da 8ª Zona, con sede na Coruña, que comprendía as catro provincias galegas, dependente da Xeral de Abastecementos e Transportes. Acompañan a estes documentos fotografías como as do embarque de patacas por carros (Lugo- Rábade, 1942-1943), as das homenaxes de agradecemento ou as da inauguración das instalacións das minas do Val del Dubra; destacar as referidas ao seu pai, Adriano Quiñones de Armesto, Samoeiro de La casa da Troya, que se suman ás existentes no Arquivo e que se refiren a personaxes da citada novela de Pérez Lugin (Manuel Casás e Alejandro Barreiro). Forma parte do fondo dous libros de firmas homenaxe; un deles, contido nunha artística arqueta, corresponde aos representantes da Industria e Comercio de Galicia, obsequio en recoñecemento ao seu labor en pro do desenvolvemento das actividades económicas desta terra do ano 1943, e o outro a Monforte de Lemos. Aínda que a maior parte dos documentos se refiren a Antonio Quiñones, consérvanse fotografías familiares e o título de cabaleiro da Orde de San Juan de Jerusalen a favor de Adriano Quiñones Fernández Baeza de 1860.

Suxeito ás taxas e prezos públicos que para reprodución de documentos fixase o Concello. (Ordenanza reguladora do prezo público por prestación de servizos e utilización de instalacións culturais, educativas e análogas de titularidade municipal.)

O libro de firmas homenaxe dos representantes da Industria e Comercio de Galicia está gardado na súa arqueta.

Localización de originales: Ver ademais a documentación custodiada no Arquivo do Reino de Galicia pertencente á Delegación Provincial de Abastecementos e Transportes.

Unidades de descripción relacionadas: No fondo do Concello da Coruña/ Servizos /Abastos e mercados, nas series: - Censos de racionamento 1944 - Altas e baixas do censo de racionamento 1945-1951