Xunta do Reino de Galicia

Enlace persistente

Institución do antigo réxime, nacida no primeiro terzo do século XVI e convocada por última vez en 1834, a Xunta Xeneral do Reino de Galicia poderíase definir como unha asemblea representativa constituída por sete deputados (formados mayoritariamente por fidalgos e nalgunhas ocasións por comerciantes e homes de leis), rexedores das sete antigas capitais de provincia dese territorio (Santiago, A Coruña, Betanzos, Lugo, Mondoñedo, Ourense e Tui), que se reunían baixo a presidencia dun gobernador co obxecto de servir ao rei e ao reino. Esta Xunta encargábase de representar ao reino ante a coroa, propoñendo solucións, elevando queixas, formulando peticiones...pero nunca gobernando. Así mesmo, encargábase dunha función económica especial (a repartición de “servicios” que correspondía ao Reino de Galicia), a concesión de donativos particulares e levas de soldados, e da consecución do voto en Cortes (1623). Estaba dotada dunha estrutura e organización propia; convocábanse e disolvían mediante Real Cédula, pola Real Audiencia de Galicia, que ordenaba a elección de rexedores e determinaba a data e o lugar da reunión onde se expoñían e resolvían as proposicións.