Raimundo Molina Couceiro (A Coruña, 1862-1931), cuarto dos oito fillos do matrimonio formado polo Comandante de Estado Maior Raimundo Molina Molina e María Couceiro. Dende moi novo tubo ao seu cargo á súa numerosa familia, pois con 23 anos (1885) fundou na Coruña a súa primeira empresa "Raimundo Molina e Cº" (de Couceiro como lle gustaba precisar), onde traballarían primeiro irmáns, sobriños...e logo fillos e xenros.
Navieira, consignataria de buques, casa de comisións e representación de diferentes empresas de navegación, comercio e industria, con sucursais en Vigo e Santander.
Dedicada á importación e exportación de mercadorías e transporte de persoas, con servizos regulares aos portos de Europa (España, Noruega, Italia, Francia...) e de América (Brasil, Cuba, México..)
Foi representante xeral en España da Compañía Lloyd Real Holandés
En 1896 fundou "Molina, Márquez e Cia", con José Márquez e José Marchesi, dedicada á pesca e ao remolque e salvamento de buques cos barcos Alerta e Coruña
En 1906, con Ceferino Molina e Cándido Outeiro, abre a sucursal de Vigo "Outeiro e Molina" que se liquida en 1910 polo falecemento de Cándido, dando paso a "Marítima Peninsular Limitada" a cuxa fronte queda o seu irmán Ceferino.
En 1911 asóciase con Perfecto Pino Cortiñas, Ramón Menacho, Francisco Tapias e Agustín Tenreiro, este ultimo en representación de Sobriños de José Pastor, fundando "Pino e Menacho S. en C. Compañía de Carbóns de Vigo" dedicada á compravenda de carbón por medio de depósitos flotantes e almacéns en terra. Esta empresa fusiónase, por escritura do 31 de decembro de 1925, con "Astoreca e Azqueta" de Bilbao e "Cia. General de Carbones, S.A." de Barcelona dando orixe á "Compañía Carbonera de Vigo, S.A. "
Do seu matrimonio con Evarista Brandao naceron catro fillos Alejandro, Amparo, Ángeles e Alfonso.
Ademais do seu labor empresarial Raimundo Molina desempeñou diferentes cargos: Vicecónsul de USA; Cónsul da República Dominicana, Cónsul dos Países Baixos na Coruña e Lugo; Director da sucursal da compañía de seguros "L ' Urbaine" de París; Presidente da Cámara Oficial da Propiedade; Vogal da Cámara de Comercio; Vicepresidente e fundador do banco de "La Coruña"; Vicepresidente do Consello de Administración de "La Voz de Galicia".
Exerceu tamén como interprete marítimo e foi Concelleiro e Tenente de Alcalde no Concello da Coruña; Deputado provincial e Comisario rexio de Fomento.
Comendador e Cabaleiro da Orde de Isabel la Católica, cabaleiro das ordes do Mérito Militar e Naval, da Orde holandesa de Orange-Nassau e outras varias nacionais e estranxeiras
Tras o seu falecemento , 29 de agosto de 1931, o fillo maior, Alejandro, que xa traballaba na empresa, farase cargo desta, así como dos consulados, a súa repentina morte en 1932 obrigará ao seu outro fillo Alfonso Molina Brandao a facerse cargo dos negocios da familia xunto co seu cuñado Angel Rego González-Villamil.
Historia archivística
Adquirido en 1997 por Encadernacións Ex-libris, S.L. directamente á familia Molina que tras o desmantelamento da Compañia gardaba toda a documentación nas antigas oficinas da rúa da Mariña
Alcance e conteúdo
O fondo esta composto por dúas seccións claramente diferenciadas, a correspondente ás empresas fundadas por Raimundo Molina Couceiro que cronoloxicamente comprende de 1884 a 1966, e a formada pola documentación pertencente aos Consulados de México, Noruega, Países Baixos e República Dominicana onde desempeñaron cargos de cónsul, vicecónsul, secretario... ... Raimundo Molina, os seus fillos Alejandro e Alfonso Molina Brandao e outros membros da súa familia dende 1881 a 1982.
Ofrece unha rica información, de primeira man, non só sobre a propia firma e actividade empresarial , senón ademais de todo o seu ámbito: comercio, mercados e da emigración tan importante neses anos.
Condiciones de acceso
Condiciones de acceso
Descripción condiciones de acceso:
A maior parte dos documentos son de libre acceso. Só se restrinxe o acceso naqueles documentos que están afectados polos supostos legais establecidos no artigo 105-b da Constitución (averiguación dos delitos, intimidade das persoas e seguridade do Estado). Por iso, nalgunhas series esta limitación se establece en 1965 e noutras en 1900.
Tamén, de xeito excepcional, en determinadas unidades de instalación pode restrinxirse o acceso segundo o estado de conservación dos documentos.
Condiciones de reproducción
Condiciones de reproducción:
Está suxeita ás taxas e prezos públicos fixados o 14 de setembro de 1995 polo Concello na sua Ordenanza nº 32, reguladora do prezo público por prestación de servizos e utilización de instalacións culturais, educativas e análogas de titularidade municipal.
Lengua:
Spanish; Castilian
English
French
German
Características físicas
Estado de conservación:
Bo
Documentación relacionada
Existencia y localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia