Andrés Martínez Salazar

Ligazón persistente

Nace Andrés Martínez Salazar o 8 de febreiro de 1846 en Astorga e morre o 6 de outubro de 1923 na Coruña. Estuda primeiramente no Seminario de Astorga. O bachalerato faino en León logo estudia en Oviedo e Madrid graduandose en Diplomática, e ingresa no Corpo de Arquiveiros e Bibliotecarios. O primeiro destino é, aos 19 anos, no arquivo do Ministerio de Gobernación onde pasa 4 anos, despois pasa 5 anos no Archivo General Central de Alcalá de Henares. En 1871 solicita o traslado a Galicia e ao ano seguinte é destinado ao Arquivo Regional de Galicia, baixo as ordes de M. Murguía que era o director. Casa na Coruña con Petra Morás Suevos coa que tivo 19 fillos e queda xa definitivamente vinculado á cidade. Arquiveiro, investigador e editor foi un dos grandes impulsores da cultura galega. No seu labor como editor é de destacar a fundación da Biblioteca Galega, a creación -e dirección- da revista Galicia Revista Regional. Monta tamén a Librería Regional, que será coñecida máis tarde como “A Cova Celtica”. Entre os seus múltiples cargos pódense citar: Presidente da RAG e da Asociación de Prensa da Coruña, membro da Academia de Belas Artes, da Comisión Provincial de Monumentos de Coruña, da Sociedad Económica de Amigos del Pais e do Ateneo León XIII de Santiago, da Sociedad Arqueológica de Pontevedra, das Reales Academias de Historia y de la Lengua, do Instituto Histórico de Miño e foi, ademais, o primeiro Cronista Oficial de Coruña.

Fondo formado na RAG a partir de documentación miscelanea de Andres Martínez Salazar

Consta sobre todo de correspondencia e a documentación necesaria para a realización dos seus traballos: documentos históricos, pergamiños, apuntes, etc.

Unidades de descrición relacionadas: Hai maís documentación de Andrés Martínez Salazar no fondo: Familia Martíne z Morás. No Arquivo do Reino de Galicia consérvanse o seguinte fondo relacio nado: - Andrés Martínez Salazar No Arquivo Municipal da Coruña atópase tamén documentación de Andrés Martínez Salazar.