Ante el guiñol" [Grupo Familiar] "talla directa por Bonome

Ligazón persistente

Bonome Rodríguez, Santiago (Santiago de Compostela, 1901-París, 1995). Escultor. Comeza a súa formación nos talleres de Ribas e de Francisco Asorey na súa Compostela natal. Tras esta primeira etapa pasa por Madrid, Londres e Nova York. A súa escultura, preferentemente tallada en madeira, posúe un realismo cru, áspero, que representa toda a gama das expresións e sensacións humanas. En 1924 obtén un gran éxito na Exposición de Arte Regional Gallego, celebrada en Madrid onde se instala pouco despois. Tamén cultiva o xénero do retrato. En 1928 expón en Madrid e no 1929 en París, onde repite no ano 1936. Despois da Guerra Civil española fixa alí a súa residencia.

Plano enteiro de peza de Santiago Bonome tallada en madeira da India, pertencente á súa etapa parisina, e datada entre os anos 1929-1930. Plano enteiro de grupo familiar. En 1ª fila, a nai, axeonllada, ao seu carón unha nena, as dúas con traxes galegos. Detrás da nena, o pai, de pé, agarraa polos ombros. Ao lado deste, dous cativos tamén de pé. Todos con faces moi sorridentes. Inscrición no reverso, tachada: "Festeiros".

Para as descricións: GERPE BLANCO, María Teresa, consulta directa. Ms. por Santiago Bonome.