Antonio Seoane Díaz, "Tonecho" naceu en 1926 na Coruña e faleceu en 2016. Formouse profesionalmente cos fotógrafos Caramés e Blanco. Establecido por conta propia, traballou no local Palacete Praza de España, 9 baixo. A Coruña.
Historia arquivística
O conxunto foi adquirido á casa de comercio de documentos e libro antigo "Encuadernaciones Ex-Libris", quen o adquiriu directamente do fotógrafo produtor.
Alcance e contido
A maior parte do conxunto constitúe unha serie, pois todas as fotografías que o integran foron creadas en relación coa preparación da edición de postais de paisaxes de Galicia que realizou a casa "Publicidad Alarde" de Oviedo a fins da década de 1950 ou comezos dos anos 1960. Existen ademais outras imaxes de xogadores do Real Club Deportivo da Coruña ou do propio equipo.
As imaxes corresponden a toda a xeografía galega, con predominio das provincias occidentais. Entre todas, a de Lugo e á a menos representada, e así constátase a ausencia de imaxes de cidades e vilas importantes como a propia capital, Monforte, Mondoñedo ou Vilalba.
Son vistas urbanas e rurais onde a paisaxe é a protagonista absoluta, o que non exclúe a presenza de persoas. A calidade do conxunto é boa.
A distribución de imaxes por provincias é a seguinte:
- A Coruña: Bergondo (1), Cabanas (13) Cedeira (6), A Coruña (50), Ferrol (13), Miño (10), Ortigueira (6), Padrón (28), Pontedeume (70), Rianxo (12), Sada (10), Ribeira (35), Santiago (12).
- Lugo: Becerreá (12), Ribadeo (14), Viveiro (37).
- Ourense: Allariz (13), O Barco (7), O Carballiño (13), Ourense (9), Pobra de Trives (11), Ribadavia (19), A Rúa (19), Viana do Bolo (12), Verín (20), Xinzo de Limia (4).
- Pontevedra: Caldas (36), A Guarda (18), Lalín (12), Ponteareas (31), Pontevedra (7), Redondela (22), Tui (19), Vigo (55), Vilagarcía de Arousa (10).
Ademais, hai 15 fotografías de xogadores do R.C. Deportivo da Coruña e unha do equipo completo.
Condicións de acceso
Características físicas
Estado de conservación:
Bo
Descrición do estado de conservación:
A maior parte dos acetatos estaban montados sobre placas de vidro, ás que se unían mediante pequeñas tiras de celofán. A degradación destas motivou a alteración da emulsión ou do soporte fóra das reducidas zonas de contacto do celofán e a separación da película da placa.
Documentación relacionada
Existencia e localización de copias
Existencia de copias: Ao ser negativos a partir dos cales se obterían postais impresas, deben de existir copias de forma dispersa en poder de particulares ou institucións.
Unidades de descrición relacionadas
Unidades de descrición relacionadas: A Fototeca de Asturias (Muséu del Pueblu d´Asturies) custodia 1.787 fotografías de Asturias (1.032 negativos e 745 positivos) procedente da Editorial Alarde de Oviedo, especializada na edición de postais de Asturias e doutras partes de España. Fototeca de Asturias