Segundo a Guía do Arquivo de Antonio Gil Merino, o antigo director Andrés Martínez Salazar doara 363 documentos medievais no ano 1897. Procedían na súa maior parte de mosteiros e conventos desamortizados e foran separados por el dos seus fondos orixinais, segundo o testemuño manuscrito de Ángel del Castillo que se conserva no Arquivo, probablemente coa finalidade de impedir a súa subtracción ou simplemente para a investigación persoal. A este núcleo sumáronse posteriormente novas achegas, esta vez procedentes de preitos e expedientes tramitados perante a Real Audiencia de Galicia, que foron instalados á parte no propio Arquivo, de acordo cunha práctica tradicional, para a súa mellor conservación.
Alcance e contido
Traslado notarial de 1515 dun documento do 22 de decembro de 1160. Discrepancia na data: "Era MCLXVII, é dicir, ano 1129, pero tamén di "anno III quo obiit...Alfonsus" e Alfonso VII faleceu en 1157.
Condicións de acceso
Lingua:
Latin
Escritura:
Carolina
Características físicas
Material no que se rexistra a información:
Pergameo
Estado de conservación:
Regular
Descrición do estado de conservación:
Perda de soporte na parte inferior e na parte esquerda que non afectan ó texto. Tinta esvaecida no segundo bloque do texto que dificulta moito a súa lectura
A doazón faise ó mosteiro e ó célebre abade Ero de Armenteira, persoaxe central da Cantiga de Santa María nº 103, na que se narra unha miragre. Sería, pois, un dos primeiros documentos trala fundación do mosteiro.