Eugenio Ramón Martínez Martínez (18??- 1935) foi deputado provincial de Lugo por Ribadeo durante o reinado de Alfonso XIII (1). Como se desprende do propio fondo, tivo unha estreita relación con varios deputados nacionais pola provincia de Lugo (2):
-Ubaldo de Azpiazu Artazu, deputado polo Partido Radical nos anos 1931 e 1933
-Ramón Bustelo González deputado nacional por Ribadeo (1901-1923) e senador por Lugo no mesmo periodo
-Joaquín Caro y del Arroyo, conde de Peña-Ramiro, deputado por Becerreá de 1914 a 1923
-Pegerto Pardo Belmonte, senador por Lugo de 1881 a 1923
-Joaquín Quiroga Espín, deputado por Quiroga e por Lugo de 1907 a 1923
-Luis Rodríguez de Viguri Seoane, deputado por Lugo de 1918 a 1923, e de 1933 a 1936, e Ministro de Fomento en 1922. Así mesmo mantivo correspondencia con Leopoldo Calvo Sotelo (1894-1933), letrado do Consello de Estado. (1)Fonte: Diario ABC de 6/11/1911 pax. 10. (2)Fonte: Parlamentarios de Galicia: biografías de deputados e senadores (1810-2001) / V.V.A.A .- Santiago de Compostela: Parlamento de Galicia e Real Academia Galega, 2001 .- 2 v .- ISBN: 84-87987-27-3 (o.c.)
Historia arquivística
O fondo persoal de Eugenio Ramón Martínez Martínez foi reunido por este ao longo da súa vida. Tras a súa morte, acontecida Madrid nos primeiros días de decembro de 1935, pasou a mans do seu primo, Eugenio López Yáñez, que é o que clasifica a documentación en carpetiñas e a ordea segundo a súa cronoloxía.
Ingresou no CEDAR no día 13/02/2013 por compra á Librería Orillamar.
Alcance e contido
O fondo consta duns 1315 documentos. Uns 1100 son correspondencia e case todos os restantes son documentos de carácter económico. Salienta a serie de Correspondencia, quer polo seu volume, quer pola riqueza da información que achega tanto para o coñecemento da biográfía de Don Eugenio Ramón Martínez Martínez, como da historia da Mariña Luguesa e mesmo da percepción das mudanzas en España no primeiro terzo do século XX. En cada unha das series intégrase unha pequena cantidade de documentos do pai de creador do fondo, Don Eugenio Martínez Suárez.