Privilexio de Xoán II de Castela confirmando ao convento e hospital de Sancti Spiritus da vila de Melide a concesión por Xoán I de Castela entre os anos 1379 e 1482, e a súa confirmación por outros reis, de certos privilexios e mercedes aos monxes de dito hospital e a dez dos seus serventes, entre os que se conta a exención para os mesmos de todo tipo de tributo, prohibindo que se lles inclúa en padrón de ningún tipo.
Data de creación
(1420-01-23)
Nivel de descrición
Documento
Volume e soporte da unidade de descrición
1 Fotografía(s)
435 x 652 mm.
Outras características físicas:
Presenta unha dobrez horizonta na parte inferior, duns 86 mm., con dous buratos dos que pendía un selo, conservando parte dos fíos de cores dos que este colgaba
Fermín Fernández Penzol-Labandera (1901-1981), naceu Sahagún (León). Pasou a súa infancia en Mondoñedo, a súa adolescencia en Pontevedra e a súa vida de estudiante universitario en Madrid, onde se licenciou en Dereito. Foi rexistrador da propiedade de profesión. O seu afán bibliófilo levouno a formar un importante conxunto bibliográfico e documental especializado en temas de Galicia, Portugal é, en menor medida, Asturias. No 1956 Fermín Penzol realiza a entrega simbólica do seu legado a Editorial Galaxia e anos mais tarde, mediante escritura notarial do 7 de abril de 1963, constitúese na cidade de Vigo a Fundación Penzol cun padroado formado por personaxes destacadas das artes, das letras e das ciencias de Galicia. A súa principal finalidade será a de servir como centro de investigación de estudios galegos. A Fundación establécese en Vigo, inicialmente no número 24 da rua Policarpio Sanz baixo a dirección de Francisco Fernández del Riego. No 1985 mediante acordo suscrito entre a Fundación Penzol e o Concello de Vigo, os fondos trasládanse aos locais da Casa Galega da Cultura de Vigo no número 2 da Praza da Princesa, a súa sé actual. En 2008 anóvase o Patronato da Fundación ampliando os seus membros e incorpórandose institucións no mesmo (Real Academia Galega e Consello da Cultura Galega). Francisco Fernández del Riego, alma e brazo executor da Fundación, retírase, producíndose dous anos máis tarde o seu pasamento. O seu sustituto e director actual é Francisco Domínguez..
Historia arquivística
Das referencias na correspondencia privada e papeis de Fermín Penzol, conclúese que foron mercados polo mesmo en diversas librerías de vello e a algúns particulares.
Alcance e contido
A data de concesión do privilexio de Xoán I de Castela non se lee completa, debido a unha rotura. Pódese ler "...veinte et sete dias de febrero, era mill [quatro]cientos e die...". Dada a presencia do infante don Enrique, futuro Enrique III de Castela, nacido en outubro de 1379, ten que estar dado en febreiro de 1380, 1381 ou 1382.
Condicións de acceso
Condicións de acceso
Descrición condicións de acceso:
Libre acceso en función do estado de conservación.