Manuel Roldán Martínez-Bolaños, xornalista, xefe de redacción de Radio Nacional de España na Coruña desde 1940 ata 1980, ano en que se xubilou, naceu en Santiago de Compostela en 1906. Descoñécese a data do seu falecemento, aínda que este non se produciu con anterioridade a 1988, ano en que aínda mantén a súa actividade e produce documentación. Casado con dona Blanca Hervada Sandéliz, tivo un fillo, Manuel. Ao longo da súa vida exerceu diversos cargos profesionais na Coruña: mestre de grao profesional de primeira ensinanza, posto no cal cesou en excedencia forzosa; administrador xerente da Tipografía Obrera Nacional-sindicalista; procurador dos tribunais; director da Revista Sindical da Delegación Provincial de Sindicatos; xefe de Protocolo, Turismo e Propaganda do concello; funcionario auxiliar da Administración do concello; director da Oficina de Prensa municipal; tesoureiro da Asociación de Prensa de Coruña.
Como xornalista, escribiu máis de 15.000 artigos e crónicas emitidas por Radio Nacional en Galicia, con temática de preferencia galega; foi asemade gañador de diversos premios e mencións xornalísticas. Colaborou nalgúns xornais galegos como El Ideal Gallego, Faro de Vigo, Faro del Lunes, Hoja del Lunes, El Correo Gallego e La Voz de Galicia, en moitos dos cales tivo seccións fixas. Algúns dos pseudónimos usados nos seus artigos foron “Flavio”, “Xacobus”, “Félix de Margaride”, “X.X.”, “Manuel Longueira”, “R.M.”, “Marinedo”, “Don Gerión”, “Furabolos” e “Amicus”.
Fíxose moi coñecido pola súa sección diaria en Radio Nacional da Coruña, “Suma y Sigue”, herdeira desde 1962 doutras como “Comentarios al éter”, iniciada en 1940. Nela desenvolvía habitualmente temas da actualidade local, española ou internacional, en formato de pezas breves (dun folio ou dous de extensión), cun estilo directo e preciso, exento de circunloquios, ás veces cun humor sutil, máis retranqueiro outras.
Con algún destes artigos publicou, así mesmo, dous libriños: un en homenaxe ao seu amigo o alcalde Molina (1959) e outro sobre o Real Club Deportivo de Coruña (1950). Con anterioridade, publicara en 1940 un libro de carácter político, identificado coa liña ideolóxica do réxime franquista: Las colectivizaciones agrarias en Cataluña: dos años y medio de destrucción de vida y de riquezas. Ademais, presentou varios traballos literarios a diversos premios.
A súa evolución ideolóxica flutuou desde unha total adhesión ao réxime franquista (o seu irmán Antonio foi un importante líder falanxista coruñés morto na guerra civil) ata posicións abertamente democráticas cara ao final da súa vida. Así mesmo, mantívose próximo aos círculos de poder da cidade coruñesa e ocupou diversos cargos de confianza durante o goberno dos alcaldes Molina e Liaño.
Historia archivística
O arquivo profesional de Manuel Roldán Martínez-Bolaños, conservado con celo polo xornalista durante a súa vida, foi herdado polo seu fillo Manuel Roldán Hervada tras a súa morte (posiblemente entre 1988 e 1989 se atendemos á datación dos documentos). En 2006, o arquivo é doado á Consellería de Cultura.
Alcance y contenido
O arquivo persoal vai desde o ano 1908 ata 1989, aínda que o groso da documentación coincide cos anos de plena actividade profesional e intelectual do seu autor: a partir aproximadamente do ano 1930 ata a data do seu falecemento.
Establécense dúas grandes seccións:
- Fondos funcionais: reflicten a documentación producida e acumulada polo seu autor como resultado da súa actividade e que serve de testemuño das actividades que levou a cabo .
- Coleccións: a súa formación responde á vontade da persoa que acumula a documentación segundo un criterio subxectivo.
Condiciones de acceso
Condiciones de acceso
Descripción condiciones de acceso:
Os documentos que poidan afectar a intimidade das persoas serán consultables nos prazos previstos pola Lei 16/1985, do 25 de xuño, do patrimonio histórico español, no seu artigo 57.1c
Normativa:
Documentación pública de titularidade da Xunta de Galicia. Ao estar deposita no Arquivo do Reino de Galicia, os documentos adquiren a condición de bens de interese cultural (art. 50 da Lei 8/1995, do 30 de outubro, do patrimonio cultural de Galicia) e pasan a gozar do réxime de protección establecido na norma.
Condiciones de reproducción
Condiciones de reproducción:
A reprodución da documentación deste fondo está suxeita ás seguintes disposicións:
- Decreto 219/2011, do 17 de novembro, polo que se fixan os prezos públicos e as normas dos servizos de reprodución prestados nos arquivos xestionados pola Xunta de Galicia.
- Orde do 31 de agosto de 2010, pola que se establecen as normas para a consulta e reprodución dos documentos nos arquivos propios e xestionados pola Xunta de Galicia.
Lengua:
Spanish; Castilian
Galician
Características físicas
Estado de conservación:
Moi bo
Descripción del estado de conservación:
Atendendo á clase dos documentos, unha gran parte da documentación é de carácter textual. No caso dos artigos xornalísticos, adoitan estar mecanografados en folios e follas holandesas. Tamén hai que sinalar a presenza de documentos iconográficos, como é o caso de fotografías e postais.
Documentación relacionada
Existencia y localización de copias
Existencia de copias: Non existen copias
Unidades de descripción relacionadas
Unidades de descripción relacionadas: Pódese atopar documentación relacionada tanto no propio Arquivo do Reino de Galicia como noutros arquivos. En canto a fondos privados conservados no Arquivo de Reino de Galicia, destaca o arquivo do tamén xornalista Ricardo Palmás, adquirido pola Xunta de Galicia en 1997. En canto a fondos públicos, pódense consultar os fondos de institucións que exercían funcións relacionadas co control ideolóxico ou administrativo dos medios de comunicación: Goberno Civil da provincia da Coruña, Delegación Provincial do Ministerio de Educación e Ciencia, Delegación Provincial de Información e Turismo, Delegación/Dirección Provincial de Cultura, Delegación Comarcal do Movemento de Betanzos e Delegación Provincial de Asociacións / Delegación Provincial da Familia. No referente a fondos externos, pódese atopar documentación relacionada noutros arquivos de empresas, organismos e institucións para os cales traballou: os arquivos dos diversos xornais galegos con que colaborou, o arquivos de Radio Nacional de España na Coruña e o Arquivo Municipal da Coruña.
Notas
Nota general
GALLEGO DOMINGUEZ, Olga. Manual de archivos familiares. Madrid: ANABAD, 1993.
Xunta de Galicia. Información mantenida y publicada en internet por la Xunta de Galicia