A casa comercial Mariqueta y Compañía foi fundada por membros da familia do mesmo nome, de orixe asturiana pero asentada en Pontevedra. O primeiro membro de quen temos noticia é Santiago Mariqueta, quen deixará como herdeiro universal o seu sobriño Pedro Antonio Mariqueta. A este sucédeo o seu fillo Cayetano Vicente Mariqueta, que chegou a ser alcalde ordinario da vila de Pontevedra. A actividade da compañía orientouse fundamentalmente ao comercio de produtos de alimentación: tanto peixe (sardiña, bacallau ou rodaballo) como viño, castañas, trigo, aceite, manteiga e outros de orixe colonial ou estranxeira (azucre, chocolate, queixos de Flandres e de Holanda, doces de Portugal...). Pero, en xeral, prestou atención a todo tipo de intercambios e actividades mercantís ou pseudomercantís, incluído o corso; así, comerciou tamén con teas, desde as máis bordadas ata as máis finas; con tintas, armas, alcatrán, papel, utensilios de ferro (como potes...), aceiro, cobre e estaño; tamén exerceu actividades relacionadas co préstamo de diñeiro. En España, a compañía mantivo relacións comerciais con Cádiz, Madrid, Bilbao, Segovia e, sobre todo, con comerciantes maragatos. No estranxeiro, estableceu contacto con compañías comerciais inglesas (de Londres, sobre todo), francesas (Bordeos) e holandesas (Amsterdam). Os vínculos con comerciantes asturianos establecidos en Galicia (en Santiago, Padrón, Pontecesures, Vilaxoán, Caldas de Reis, O Porriño ou Tui) foron moi intensos e con algúns deles chegou a formar compañía, mesmo a manter lazos familiares.
Historia archivística
Este fondo foi identificado no seo do da Real Audiencia de Galicia no ano 1990. Seguramente constituíu proba nun preito substanciado nese tribunal.
Alcance y contenido
A maior parte dos documentos conforman series de correspondencia, comercial ou particular. Outra parte ten carácter xudicial e outra procede da actividade de Cayetano Vicente Mariqueta como alcalde ordinario de Pontevedra.
Documentación relacionada
Existencia y localización de copias
Existencia de copias: Non existen copias
Xunta de Galicia. Información mantenida y publicada en internet por la Xunta de Galicia