A UGT é unha confederación sindical constituída en 1888 para defender os dereitos dos traballadores. É un dos sindicatos maioritarios, dentro dos máis representativos, e por elo é un interlocutor social.
En 1888 Pablo Iglesias Posse xunto con outros compañeiros socialistas, funda en Barcelona a Unión Xeral de Traballadores de España. Que dende ese momento encarna a vertente sindical socialista en España.
O sindicalismo uxetista espallouse por todo o territorio nacional. Galicia non quedou allea a esta maneira de facer sindicalismo para defender os intereses dos traballadores galegos. Este sindicalismo tropezou dende os seus comezos con varios obstáculos: a patronal (que tamén se organiza moi cedo en Galicia) e coa CNT que ata finais da II República rivalizou coa UGT, intentando impor unha maneira diferente de entender o sindicalismo: o anarco-sindicalismo.
Esta expansión veuse cortada de raíz polos tráxicos sucesos de 1936, que obrigaron a exiliarse a moitos dos seus representantes, moitos foron represaliados, encarcelados e asasinados. Tamén o seu patrimonio foi confiscado na súa totalidade polo novo réxime.
A pesares dos acontecementos, moitos uxetistas seguen traballando na clandestinidade durante o periodo franquistas, o que fai que unha vez rematado, se comezaran a constituir moi axiña grupos organizados da UGT en Galicia.
Na nova andadura da UGT de Galicia xogaron un papel esencial moitos universitarios, emigrantes retornados de Alemaña, Francia e, por suposto, moitos dos uxetistas que xa estiveran traballando na clandestinidade en Galicia durante o franquismo.
Coa chegada da democracia a España xa estaban prácticamente constituidas unhas 34 Unións Locais da UGT de Galicia e, coa finalidade de acadar un mellor nivel de funcionamento a organización decide constituirse a nivel nacional.
Así é como en plena Transición Democrática se celebra o Congreso Constituinte da actual UGT-Galicia, dando paso a unha nova estructura: a territorial baseada nas Unións Comarcais, e a sectorial baseada nas Federacións de Industria.
Os días 13 e 14 de outubro de 1979, coa asistencia de Nicolás Redondo celébrase en Santiago de Compostela o Congreso Constituinte. Nel elíxese como primeiro Secretario Xeral da UGT de Galicia a Javier Pedrido Fraiz.
UGT-Galicia foi a primeira Unión da Confederación en configurar unha estructura comarcal composta xa en 1980 por 19 Unións.
A Unión Xeral de Traballadores de Galicia, integrada na Unión Xeral de Traballadores de España, declárase como unha organización autónoma e independente de calquer inxerencia externa, unha organización que se move única e exclusivamente pola vontade dos seus afiliados, tendo como norma máxima de funcionamento a democracia absoluta. Tamén é destacable a maiores da súa autonomía a súa capacidade xurídica, característica que a fai pioneira en Galicia. O 21 de xaneiro de 1980 aparece no Boletín Oficial do Estado o recoñecemento legal e xurídico da súa existencia.
A primeira sede social da UGT de Galicia estableceuse en Vigo, na rúa Travesía de Vigo nº 4 dereita, posteriormente trasládase a Santiago de Compostela a rúa Santiago de Chile, para ocupar máis tarde un local en propiedade na rúa Romero Donallo nº 22 entrechán. Dende 1982 a UGT de Galicia ocupou a primeira planta da rúa Xeral Pardiñas nº 26 local, pertencente ao vello patrimonio sindical, e dende a metade de 2004 a sede de UGT-Galicia e das Federacións de Nacionalidade está na rúa Miguel Ferro Caaveiro Nº 12 de Santiago de Compostela.
Dende outubro de 1989, a xestión do fondo documental e histórico da UGT en Galicia encárgaselle á Fundación Luís Tilve, sendo este un dos seus principais obxectivos e funcións. A este acordo se lle suma o asinado coa Fundación Largo Caballero en xullo de 1991, de tal xeito que ambas entidades colaborarán para a xestión e conservación do patrimonio documental da UGT, sendo a Fundación Luís Tilve a encargada do ámbito galego.
Alcance y contenido
O Fondo recolle a documentación de UGT-Galicia dende os anos 60 ata a actualidade
Condiciones de acceso
Condiciones de acceso
Descripción condiciones de acceso:
Os usuarios poderán ter acceso a documentación sempre que sexa por razóns xustificadas, como a investigación. Así o recolle a Lei de Patrimonio Histórico Español no artigo 52.3 onde di que se "habrá de permitir el estudio por los investigadores, previa solicitud razonada de estos". Sen embargo, estará restrinxido o acceso á documentación actual, aínda en vigor e por tanto de carácter privado e persoal, non histórico. A súa vez poderá acceder a documentación sen restrición algunha o persoal da institución xeradora, sempre que o funcionamento da mesma o requira.
Ó tratarse de documentos que conteñen datos de carácter persoal, que poden afectar a súa intimidade, seguridade, honor e imaxe, a súa consulta será posible mediante consentimento expreso das persoas afectadas, ou transcorridos vinte e cinco anos dende a súa morte.
Titular de los derechos:
Fundación Luís Tilve
Normativa:
Ley 16/1985, de 25 de junio, del Patrimonio Histórico Español. Ley Orgánica 15/1999, de 13 de diciembre, de Protección de Datos de Carácter Personal. Lei 7/2014, de 26 de setembro, de arquivos e documentos de Galicia.
Condiciones de reproducción
Condiciones de reproducción:
A reprodución dos documentos da UGT requirirá a expresa autorización do propietario, ó tratarse de documentación dunha entidade privada, cando esta aínda non tivera perdido completamente o seu valor administrativo ou non transcorreran trinta anos.
As solicitudes de copias realizaranse por escrito e serán atendidas sempre e cando o Arquivo dispoña dos medios técnicos e humanos adecuados para a súa realización, agás cando por medidas preventivas de conservación ou por limitacións legais non poida facerse, estando sempre suxeitas ás taxas e prezos que para a reprodución de documentos ten fixado o Arquivo Histórico do Movemento Obreiro da Fundación Luís Tilve no seu Regulamento interno.
Lengua:
Galician
Spanish; Castilian
Características físicas
Material en el que se registra la información:
Papel
Documentación relacionada
Existencia y localización de copias
Existencia de copias: No existen copias
Xunta de Galicia. Información mantenida y publicada en internet por la Xunta de Galicia