Institución do antigo réxime, nacida no primeiro terzo do século XVI e convocada por última vez en 1834, a Junta General del Reino de Galicia poderíase definir como unha asemblea representativa constituída por sete deputados (formados mayoriteriamente por fidalgos e nalgunhas ocasións por comerciantes e homes de leis), rexedores das sete antigas capitais de provincia dese territorio (Santiago, A Coruña, Betanzos, Lugo, Mondoñedo, Ourense e Tuy), que se reunían baixo a presidencia dun gobernador co obxecto de servir ao rei e ao reino.
Esta Junta encargábase de representar ao reino ante a coroa, propoñendo solucións, elevando queixas, formulando peticiones...pero nunca gobernando. Así mesmo, encargábase dunha función económica especial (a repartición de “servicios” que correspondía ao Reino de Galicia), a concesión de donativos particulares e levas de soldados, e da consecución do voto en Cortes (1623).
Estaba dotada dunha estrutura e organización propia; convocábanse e disolvían mediante Real Cédula, pola Real Audiencia de Galicia, que ordenaba a elección de rexedores e determinaba a data e o lugar da reunión onde se expoñían e resolvían as proposicións
Historia archivística
Un primeiro intento de conservación dos escritos da Junta, levouse a cabo en 1625, cando os procuradores deciden adquirir un caixón portatil con tres chaves (dous para as cidades con quenda de voto en Cortes e unha para o escribán da Junta). Pero esta compra non se realizou ata que en 1633 se encarga a Antonio Castañeda (deputado coruñés) adquirir o moble e ordenar a documentación deste que se situou momentaneamente no Arquivo do concello da Coruña. Aínda en 1679 as actas estaban sen encadernar e precisábanse dous baúis portátiles para trasladalas alí onde se xuntasen os representantes do reino. Por fin, en 1691, fíxose a Xunta cun moble (que facía as veces de arquivo) de oito llaves( unha para o escribán e sete, unha para cada capital), que permanecía baixo a custodia do concello da Coruña, de aí que hoxe en día se conserve no Arquivo Histórico Municipal da Coruña, boa parte das actas orixinais das reunións, diversas copias e documentación complementaria, conservándose as restantes nas distintas antigas capitais de provincia. Debemos significar o feito de que en ocasións algúns documentos permaneceron baixo a custodia de persoas do seu ámbito, o que puido propiciar a desorde e a perda dalgúns documentos; tal é o caso do Gobernador Capitán General, marqués de Valparaíso, que indignado polo propósito dos deputados de denunciar ao rei os seus abusos en materia de “levas”, obtivo pola forza as chaves da arca e retivo temporalmente algunha documentación
Alcance y contenido
O fondo documental da Junta del Reino de Galicia recolle parte da memoria histórica desta terra durante a época moderna en que estas reunións se levaron a cabo. É fundamental para coñecer a historia de Galicia, tanto en aspectos da vida institucional e social (xa que o cargo de deputado era ocupado polas oligarquías, constituídas por fidalgos, algúns comerciantes, e ás veces homes de leis, que controlaban a Junta dende o século XVI), como en materia tributaria (carga fiscal) e materia militar ("levas" militares), estes dous últimos obxectivos prioritarios da súa razón de ser.
O devandito fondo está constituído polas actas (orixinais e copias), de boa parte das reunións celebradas pola Junta entre 1599 e 1834, ás que acompañan documentación pertencente á secretaría en moitos casos.
Condiciones de acceso
Condiciones de acceso
Normativa:
Consulta libre, só limitada polo estado de conservación da documentación
Condiciones de reproducción
Condiciones de reproducción:
Suxeito ás taxas e prezos públicos que para a reprodución de documentos fixe o concello (Ordenanza reguladora do prezo público por prestación de servizos e utilización de instalacións culturais, educativas e análogas de titularidade estatal)
Lengua:
Spanish; Castilian
Características físicas
Estado de conservación:
Bo
Descripción del estado de conservación:
Documentos encadernados en pergameo (agás 7 corresponedentes ás copias).
Medidas 33x23 cm
Documentación relacionada
Existencia y localización de originales
Localización de originales: Os orixinais encontranse neste arquivo.
Existencia y localización de copias
Existencia de copias: Existen copias: Cóntase cunha reprodución en microfilme, un negativo de cámara no propio arquivo e outro negativo no Arquivo do Reino de Galicia
Unidades de descripción relacionadas
Unidades de descripción relacionadas: AMC. Organos de Goberno. Pleno- Libros de actas de acordos municipais (siglo XVI-1834)
No ARG, encontrámonos:
Fondos públicos:/Real audiencia
Fondos privados:/Vaamonde Lores
Eencontramos así mesmo fontes complementarias que relacionan a Real Audiencia de Galicia coa Junta del Reino de Galicia noutros arquivos como: AGS.Guerra antigua/AHN.Estado/AHN.Cámara de Castilla
Notas
Nota general
Encóntrase restaurado o libro de actas correspondente ao ano 1599 e non se puido identificar, clasificar e describir a documentación correspondente á secretaría por estar en restauración.
Xunta de Galicia. Información mantenida y publicada en internet por la Xunta de Galicia