Vasco de Miño vende a Fernán [Deines] de Montelongo, morador no couto de Monfero, dúas leiras de viña coa súa herdade na chousa da Barrosa, freguesía de Santa María de Miño, por seiscentos trinta marabedís, e García de Vila vende ao mesmo outra leira de viña na mesma chousa por [sesenta e catro] marabedís
Segundo a Guía do Arquivo de Antonio Gil Merino, o antigo director Andrés Martínez Salazar doara 363 documentos medievais no ano 1897. Procedían na súa maior parte de mosteiros e conventos desamortizados e foran separados por el dos seus fondos orixinais, segundo o testemuño manuscrito de Ángel del Castillo que se conserva no Arquivo, probablemente coa finalidade de impedir a súa subtracción ou simplemente para a investigación persoal. A este núcleo sumáronse posteriormente novas achegas, esta vez procedentes de preitos e expedientes tramitados perante a Real Audiencia de Galicia, que foron instalados á parte no propio Arquivo, de acordo cunha práctica tradicional, para a súa mellor conservación.